Brailvi Books
 |
تذکرۂ جانشینِ امیرِاہلِ سُنّت ( قسط اوّل) |
22 - 30
انہوں نے سابقہ گناہوں بھری زندگی سے توبہ کی اورسنتوں کے سائے میں زندگی گزارنا شروع کر دی ۔ نمازوں کے پابند ہوگئے ، ہفتہ وار اجتماع میں پابندی سے شرکت کرنے لگے اور حُلیہ بھی سنت کے مطابق کر لیا ۔ بہار بیان کرتے وقت نگرانِ حلقہ مشاورت کی حیثیت سے دین کی خدمت کے لیے کوشاں ہیں ۔
میٹھے میٹھے اسلامی بھائیو ! جو جس قدر پرہیز گاری کی صفت سے مُتّصِف ہوتا ہے ، اس کی زبان اسی قدر پُر تاثیر ہوتی ہے ، جب ایسی زبان سے نیکی کی دعوت دی جاتی ہے تو سننے والوں میں مدنی انقلاب برپا ہوجاتا ہے ۔ اس سے نہ صرف بے عمل لوگ عمل کی طرف راغب ہوتے ہیں بلکہ گناہوں کی تاریکیوں میں بھٹکنے والے بھی تائب ہوکر سنّتوں کی راہ پر گامزن ہوجاتے ہیں ۔ لہٰذا ہمیں پرہیز گاری کی خوشبو سے مُعَطَّر ہونے کے لئے ’’مدنی انعامات ‘‘ کا رسالہ روزانہ پُر کرنے کی عادت بنالینی چاہئے ، اس کی برکت سے جہاں اپنی اصلاح کا سامان ہوگا ، وہاں اللہ نے چاہا تو زبان کی تاثیر بھی حاصل ہوگی ۔
دے جذبہ “ مدنی انعامات “ کا تو
کرم بہرِ شہِ کرب و بلا ہو
( وسائلِ بخشش مرمم ، ص۳۱۶)
صَلُّوْا عَلَی الْحَبِیْب صَلَّی اللہُ عَلٰی مُحَمَّد
( 3) پانچوں بھائیوں نے داڑھی سجالی
تحصیل صفدر آباد ( ضلع شیخو پورہ ) کے مقیم اسلامی بھائی 2004ء میں سردار آباد