Brailvi Books
 |
تذکرۂ جانشینِ امیرِاہلِ سُنّت ( قسط اوّل) |
20 - 30
7 مدنی بہاریں میٹھے میٹھے اسلامی بھائیو ! یہاں جانشینِ امیرِ اہلِ سنّت کے بیانات ، انفرادی کوشش اور دَم وغیرہ کی مدنی بہاریں ذکر کی جا رہی ہیں ۔ ( 1) آنکھوں کا درد جاتا رہا باب المدینہ کراچی کے علاقہ قیّوم آبا د کے مقیم اسلامی بھائی 8 سال کی عمر میں آنکھوں کے درد میں مبتلا ہوگئے ۔ بعض اوقات تو درد اتنا بڑھ جاتا کہ وہ بُری طرح تڑپنے لگتے ۔ آنکھوں کے کئی ڈاکٹروں سے علاج کروایا مگر خاطرخواہ فائدہ نہ ہوا بالآخر ڈاکٹروں نے انہیں لاعلاج قرار دے دیا ۔ اسی طرح 7 سال بیت گئے ۔ انہوں نے کسی اسلامی بھائی سے سُنا کہ فلاں دن جانشینِ امیرِ اہلِ سنّت حضرت مولانا عبید رضا عطاری مدنی عاشقانِ رسول سے ملاقات فرماتے ہیں ۔ وہ اسلامی بھائی بھی دعوتِ اسلامی کے عالمی مدنی مرکزفیضانِ مدینہ پہنچ گئے ۔ ملاقات کے وقت عقیدت مندوں کی لمبی قطار تھی ۔ انہوں نے سوچا شاید آج دَم اوردُعا کروانے کا موقع نہیں ملے گا ۔ اگلے ہی لمحے اس خیال نے ہمت بندھائی کہ جو عالمی مدنی مرکز فیضانِ مدینہ میں آتا ہے وہ اللہ پاک کی رحمت سے مُرادیں پا کر جاتا ہے ۔ یہ قطار میں کھڑے ہوگئے اور آہستہ آہستہ جانشینِ امیرِ اہل سنَّت دَامَتْ بَرَکَاتُہُمُ الْعَالِیَہ کے قریب پہنچ گئے ۔ انہوں نے جانشینِ امیرِ اہلِ سنّت سے اپنی بیماری کا ذکر کیا تو آپ نے ان کی آنکھوں پر دَم کردیا ۔ اَلْحَمْدُ لِلّٰہ عَزَّ وَجَلَّ دَم کی برکت کا ہاتھوں ہاتھ یوں ظہور ہواکہ درد کم ہوتے ہوتے بالکل ختم ہو گیا ۔ یہ بہار بیان کرتے وقت ان کی