Brailvi Books

کے مقابلے میں  کچھ کام نہ دیں  گے اور بے شک کافر صرف دنیا میں  ایک دوسرے کے دوست ہیں  جبکہ آخرت میں  ان کا کوئی دوست نہیں  اور اللہ تعالیٰ سے ڈرنے والے مومنین کا دنیا میں  بھی اللہ تعالیٰ دوست ہے اور آخرت میں  بھی وہی دوست ہے۔(روح البیان، الجاثیۃ، تحت الآیۃ: ۱۸-۱۹، ۸/۴۴۴، خازن، الجاثیۃ، تحت الآیۃ: ۱۸-۱۹، ۴/۱۱۹، ملتقطاً)
هٰذَا بَصَآىٕرُ لِلنَّاسِ وَ هُدًى وَّ رَحْمَةٌ لِّقَوْمٍ یُّوْقِنُوْنَ(۲۰)
ترجمۂکنزالایمان: یہ لوگوں  کی آنکھیں  کھولنا ہے اور ایمان والوں  کے لیے ہدایت و رحمت۔
ترجمۂکنزُالعِرفان: یہ قرآن لوگوں  کیلئے آنکھیں  کھول دینے والی نشانیاں  اور یقین رکھنے والوں  کے لیے ہدایت اور رحمت ہے۔
{هٰذَا بَصَآىٕرُ لِلنَّاسِ: یہ لوگوں  کیلئے آنکھیں  کھول دینے والی نشانیاں  ہیں ۔} یعنی اے حبیب! صَلَّی اللہ تَعَالٰی  عَلَیْہِ وَاٰلِہٖ وَسَلَّمَ، ہم نے آپ کی طرف جو کتاب نازل فرمائی یہ اللہ تعالیٰ کے ان احکامات پر مشتمل ہے جو قیامت تک رہیں  گے اور اس میں  تمام لوگوں  کے لئے وہ دلائل اور نشانیاں  موجود ہیں  جن کی انہیں  دین کے احکام میں  ضرورت ہے ،جو شخص اس کے احکامات پر عمل کرتا ہے تو یہ اسے جنت کی طرف ہدایت دیتا ہے اور جو اس پر صحیح طریقے سے ایمان لاتا ہے یہ اس کے لئے رحمت ہے اور دنیاو آخرت میں  اسے عذاب سے بچاتا ہے۔( تفسیر منیر، الجاثیۃ، تحت الآیۃ: ۲۰، ۱۳/۲۷۱، الجزء الخامس والعشرون)
اَمْ حَسِبَ الَّذِیْنَ اجْتَرَحُوا السَّیِّاٰتِ اَنْ نَّجْعَلَهُمْ كَالَّذِیْنَ اٰمَنُوْا وَ عَمِلُوا الصّٰلِحٰتِۙ-سَوَآءً مَّحْیَاهُمْ وَ مَمَاتُهُمْؕ-سَآءَ مَا یَحْكُمُوْنَ۠(۲۱)
ترجمۂکنزالایمان:  کیا جنھوں  نے برائیوں  کا اِرتکاب کیا یہ سمجھتے ہیں  کہ ہم اُنھیں  ان جیسا کردیں  گے جو ایمان لائے اور اچھے کام کئے کہ اِن کی اُن کی زندگی اور موت برابر ہوجائے کیا ہی بُرا حکم لگاتے ہیں ۔