Brailvi Books

نے ارشاد فرمایا’’سوڈانیوں  کے سردار چار ہیں : (1)حضرت لقمان حبشی رَضِیَ اللہ تَعَالٰی عَنْہُ، (2)حضرت نجاشی رَضِیَ اللہ تَعَالٰی عَنْہُ، (3)حضرت بلال رَضِیَ اللہ تَعَالٰی عَنْہُ، (4)حضرت مہجع رَضِیَ اللہ تَعَالٰی عَنْہُ۔(1)
(2)…حضرت عبد الله بن عباس رَضِیَ اللہ تَعَالٰی عَنْہُمَا سے روایت ہے،تاجدارِ رسالت صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا’’سوڈانیوں  کی صحبت اختیار کرو کیونکہ ان میں  سے تین حضرات اہلِ جنت کے سرداروں  میں  سے ہیں ، (1)حضرت لقمان حکیم رَضِیَ اللہ تَعَالٰی عَنْہُ، (2)حضرت نجاشی رَضِیَ اللہ تَعَالٰی عَنْہُ، (3) مُؤذن حضرت بلال رَضِیَ اللہ تَعَالٰی عَنْہُ ۔(2)
حکمت کی تعریف:
	حکمت کی مختلف تعریفات کی گئی ہیں  ،ان میں  سے چار درج ذیل ہیں ۔
(1)… حکمت عقل اورفہم کو کہتے ہیں ۔
(2)… حکمت وہ علم ہے جس کے مطابق عمل کیا جائے ۔
(3)… حکمت معرفت اور کاموں  میں  پختگی کو کہتے ہیں  
(4)… حکمت ایسی چیز ہے کہ الله تعالیٰ اسے جس کے دل میں  رکھتا ہے یہ اس کے دل کو روشن کر دیتی ہے۔(3)
حضرت لقمان رَضِیَ اللہ تَعَالٰی عَنْہُ کے حکمت آمیز کلمات:
	حضرت لقمان رَضِیَ اللہ تَعَالٰی عَنْہُ حکمت سے بھرپور گفتگو فرمایاکرتے تھے،یہاں  ان کے حکمت بھرے 3 کلام ملاحظہ ہوں ،
(1)…لوگوں  پر وہ چیز دراز ہوگئی جس کا ان سے وعدہ کیا گیا ہے حالانکہ وہ آخرت کی طرف دوڑے جارہے ہیں ۔ بیشک دنیا پیٹھ پھیر رہی ہے تا کہ وہ چلی جائے اور آخرت سامنے آ رہی ہے اور وہ گھر جس کی طرف تم جارہے ہو، اُس سے زیادہ قریب ہے جس سے تم نکل رہے ہو ۔(4)
مـــــــــــــــــــــــــــــــــــــــــــــــــــــــــــــــــــــــــدینـــہ
1…ابن عساکر، حرف البائ، ذکر من اسمہ بلال، بلال بن رباح۔۔۔ الخ، ۱۰/۴۶۲۔
2…معجم الکبیر، عطاء عن ابن عباس، ۱۱/۱۵۸، الحدیث: ۱۱۴۸۲۔
3…خازن، لقمان، تحت الآیۃ: ۱۲، ۳/۴۷۰۔
4…الزہد الکبیر للبیہقی، الجزء الثانی من کتاب الزہد، فصل آخر فی قصر الامل والمبادرۃ بالعمل۔۔۔ الخ، ص۲۰۱، روایت نمبر: ۵۰۱۔