Brailvi Books

قَالَ سَنَشُدُّ عَضُدَكَ بِاَخِیْكَ وَ نَجْعَلُ لَكُمَا سُلْطٰنًا فَلَا یَصِلُوْنَ اِلَیْكُمَاۚۛ-بِاٰیٰتِنَاۤۚۛ-اَنْتُمَا وَ مَنِ اتَّبَعَكُمَا الْغٰلِبُوْنَ(۳۵)
ترجمۂکنزالایمان: فرمایا قریب ہے کہ ہم تیرے بازو کو تیرے بھائی سے قوت دیں  گے اور تم دونوں  کو غلبہ عطا فرمائیں  گے تو وہ تم دونوں  کا کچھ نقصان نہ کرسکیں  گے ہماری نشانیوں  کے سبب تم دونوں  اور جو تمہاری پیروی کریں  گے غالب آؤ گے۔
ترجمۂکنزُالعِرفان: الله نے فرمایا:عنقریب ہم تیرے بازو کو تیرے بھائی کے ذریعے قوت دیں  گے اور تم دونوں  کو غلبہ عطا فرمائیں  گے تو وہ ہماری نشانیوں  کے سبب تم دونوں  کا کچھ نقصان نہ کرسکیں  گے ۔تم دونوں  اور تمہاری پیروی کرنے والے غالب آئیں گے۔
{قَالَ سَنَشُدُّ عَضُدَكَ بِاَخِیْكَ: فرمایا:عنقریب ہم تیرے بازو کو تیرے بھائی کے ذریعے قوت دیں  گے۔} الله تعالیٰ نے حضرت موسیٰ عَلَیْہِ الصَّلٰوۃُ وَالسَّلَام کی دعا قبول فرمائی اور ان سے ارشاد فرمایا’’ہم تیرے بھائی کے ذریعے تمہیں  قوت دیں  گے اورتمہاری مدد کریں  گے اور ہم تم دونوں  کو غلبہ وتَسَلُّط عطا فرمائیں  گے اور دشمنوں  کے دلوں  میں  تمہاری ہیبت بٹھا دیں  گے،لہٰذا تم فرعون اور اس کی قوم کے پاس جاؤ،وہ لوگ ہماری نشانیوں  کے سبب تم دونوں  کا کچھ نقصان نہ کرسکیں  گے بلکہ تم دونوں  اور تمہاری پیروی کرنے والے ہی ان پر غالب آئیں گے۔(1)
فَلَمَّا جَآءَهُمْ مُّوْسٰى بِاٰیٰتِنَا بَیِّنٰتٍ قَالُوْا مَا هٰذَاۤ اِلَّا سِحْرٌ مُّفْتَرًى وَّ مَا سَمِعْنَا بِهٰذَا فِیْۤ اٰبَآىٕنَا الْاَوَّلِیْنَ(۳۶)
ترجمۂکنزالایمان: پھر جب موسیٰ ان کے پاس ہماری روشن نشانیاں  لایا بولے یہ تو نہیں  مگر بناوٹ کا جادو اور ہم نے
مـــــــــــــــــــــــــــــــــــــــــــــــــــــــــــــــــــــــــدینـــہ
1…تفسیرطبری، القصص، تحت الآیۃ: ۳۵، ۱۰/۷۳، مدارک، القصص، تحت الآیۃ: ۳۵، ص۸۷۰، ملتقطاً۔