Brailvi Books

 کی سر زمین جیسے حجر اور اَحقاف وغیرہ میں  چل کر دیکھ لو کہ ان مجرموں  کا انجام کیسا ہوا، وہ لوگ اپنے انکار کے سبب طرح طرح کے عذابوں  سے ہلاک کر دیئے گئے اور اگر تم بھی ان جیسی روش سے باز نہ آئے تو تمہارا انجام بھی ان لوگوں  جیسا ہو سکتا ہے اور تم پر بھی ان کی طرح کا کوئی عذاب نازل ہو سکتا ہے۔(1)
اجڑی بستیاں  عبرت کے نشان ہیں :
	اس سے معلوم ہوا کہ برباد شدہ قوموں  کی اجڑی بستیاں  لوگوں  کے لئے عبرت کے نشان ہیں  اور لوگوں  کو چاہئے کہ جن مقامات پر الله تعالیٰ کا عذاب نازل ہو ا وہاں  کے رہنے والوں  کے احوال اور ان کے دردناک انجام پر غور کریں  اور ان کی اجڑی ہوئی اور ویران بستیوں  کو دیکھ کر عبرت و نصیحت حاصل کرتے ہوئے الله تعالیٰ کی نافرمانی کرنے سے باز آجائیں ۔ الله تعالیٰ ہمارے حال پر رحم فرمائے اور ہمیں  اپنی نافرمانی کرنے سے محفوظ فرمائے،اٰمین۔ 
وَ لَا تَحْزَنْ عَلَیْهِمْ وَ لَا تَكُنْ فِیْ ضَیْقٍ مِّمَّا یَمْكُرُوْنَ(۷۰)
ترجمۂکنزالایمان: اور تم ان پر غم نہ کھاؤ اور ان کے مکر سے دل تنگ نہ ہو۔
ترجمۂکنزُالعِرفان: اور (اے حبیب!) تم ان پر غم نہ کرواور ان کی سازشوں  سے دل تنگ نہ ہو۔
{وَ لَا تَحْزَنْ عَلَیْهِمْ: اور تم ان پر غم نہ کرو۔} اس آیت میں  الله تعالیٰ نے اپنے حبیب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو تسلی دیتے ہوئے ارشاد فرمایا کہ اے حبیب! صَلَّی اللہ تَعَالٰی عَلَیْہِ وَاٰلِہٖ وَسَلَّمَ، آپ ان کافروں  کے اِعراض کرنے، آپ کو جھٹلانے اور اسلام سے محروم رہنے کے سبب ان پر غم نہ کھائیں  (کیونکہ ان کے برے اختیار کی وجہ سے ان کی قسمت میں  ہی کفر کرنالکھا ہے) اور آپ ان کی سازشوں  سے دل تنگ نہ ہوں  کیونکہ  الله تعالیٰ آپ کی حفاظت فرمانے والا اور آپ کا مددگار ہے۔(2)
مـــــــــــــــــــــــــــــــــــــــــــــــــــــــــــــــــــــــــدینـــہ
1…روح البیان، النمل، تحت الآیۃ: ۶۹، ۶/۳۶۶، ملخصاً۔
2…جلالین ، النمل، تحت الآیۃ: ۷۰، ص۳۲۳، خازن، النمل، تحت الآیۃ: ۷۰، ۳/۴۱۸، ملتقطاً۔