Brailvi Books

ان سے خوف نہ کھائیں کیونکہ اگر حضرت جبرئیل عَلَیْہِ السَّلَام اپنی ملکوتی شکل میں تشریف لاتے تو حضرت مریم رَضِیَ اللّٰہُ تَعَالٰی عَنْہا خوفزدہ ہو جاتیں اور آپ عَلَیْہِ السَّلَامکا کلام سننے پر قادر نہ ہوتیں۔(1)
نوری وجود بشری صورت میں آ سکتا ہے:
	اس آیت سے معلوم ہوا کہ نور ی وجود بشری صورت میں آسکتا ہے۔ حضرت علامہ مفتی احمد یار خان نعیمی رَحْمَۃُ اللّٰہِ تَعَالٰی عَلَیْہِ فرماتے ہیں ’’حضرت جبریل عَلَیْہِ السَّلَام فرشتہ ہیں ،نور ہیں اور حضرت مریم کے پاس بشری شکل میں ظاہر ہوئے، اس وقت اس بشری شکل کی وجہ سے (حضرت جبریل عَلَیْہِ السَّلَام) نورانیت سے علیحدہ نہیں ہو گئے ۔صحابہ کرام نے حضرت جبریل کو بشری شکل میں دیکھا، سیاہ زلفیں، سفید لباس ، آنکھ، ناک، کان وغیرہ سب موجود ہیں، اس کے باوجود بھی وہ نور تھے ، اسی طرح حضرت ابراہیم، حضرت لوط، حضرت داؤدعَلَیْہِمُ السَّلَام کے خدمات میں فرشتے شکلِ بشری میں گئے۔ رب فرماتا ہے:
’’ہَلْ اَتٰىکَ حَدِیۡثُ ضَیۡفِ اِبْرٰہِیۡمَ الْمُکْرَمِیۡنَ ﴿ۘ۲۴﴾ اِذْ دَخَلُوۡا عَلَیۡہِ فَقَالُوۡا سَلٰمًاؕ قَالَ سَلٰمٌ ۚ قَوْمٌ مُّنۡکَرُوۡنَ ‘‘(2)
(ترجمۂکنزُالعِرفان: اے محبوب! کیا تمہارے پاس ابراہیم کے معزز مہمانوں کی خبر آئی۔جب وہ اس کے پاس آئے تو کہا: سلام،(حضرت ابراہیم نے)فرمایا، ’’سلام ‘‘(تم)اجنبی لوگ ہو۔)
 (اور فرماتا ہے)
’’ہَلْ اَتٰىکَ نَبَـؤُا الْخَصْمِ ۘ اِذْ تَسَوَّرُوا الْمِحْرَابَ ﴿ۙ۲۱﴾ اِذْ دَخَلُوۡا عَلٰی دَاوٗدَ فَفَزِعَ مِنْہُمْ قَالُوۡا لَا تَخَفْ ۚ خَصْمَانِ بَغٰی بَعْضُنَا عَلٰی بَعْضٍ‘‘(3) 
(ترجمۂکنزُالعِرفان: کیا تمہارے پاس ان دعویداروں کی خبر آئی جب وہ دیوار کود کر مسجد میں آئے ۔جب وہ داؤد پر داخل ہوئے تو وہ ان سے گھبرا گیا۔ انہوں نے عرض کی: ڈرئیے نہیں ہم دو فریق ہیں ، ہم میں سے ایک نے دوسرے پر زیادتی کی ہے۔)
(اور فرماتا ہے)
’’وَلَمَّاۤ اَنۡ جَآءَتْ رُسُلُنَا لُوۡطًا سِیۡٓءَبِہِمْ 	(ترجمۂکنزُالعِرفان:اور جب ہمارے فرشتے لوط کے پاس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…مدارک، مریم، تحت الآیۃ: ۱۷، ص۶۷۰، ملتقطاً۔
2…ذاریات:۲۴،۲۵۔
3…ص:۲۱،۲۲۔