Brailvi Books

سورۂ اٰلِ عمران میں فرمایا گیا
’’وَ اِذْ قَالَتِ الْمَلٰٓئِکَۃُ یٰمَرْیَمُ اِنَّ اللہَ اصْطَفٰىکِ وَطَہَّرَکِ وَاصْطَفٰىکِ عَلٰی نِسَآءِ الْعٰلَمِیۡنَ‘‘(1)
ترجمۂکنزُالعِرفان: اور (یاد کرو) جب فرشتوں نے کہا، اے مریم، بیشک اللّٰہ نے تمہیں چن لیاہے اور تمہیں خوب پاکیزہ کردیا ہے اور تمہیں سارے جہان کی عورتوں پر منتخب کرلیا ہے۔
	نوٹ: حضرت مریم رَضِیَ اللّٰہُ تَعَالٰی عَنْہا کی ولادت اور پرورش کے واقعات سورۂ اٰلِ عمران کی آیت نمبر 35 تا 37 میں بیان ہوئے اور آپ رَضِیَ اللّٰہُ تَعَالٰی عَنْہاکی عبادت و ریاضت کاذکر آیت نمبر 43میں کیا گیا ہے۔
فَاتَّخَذَتْ مِنۡ دُوۡنِہِمْ حِجَابًا  ۪۟ فَاَرْسَلْنَاۤ اِلَیۡہَا رُوۡحَنَا فَتَمَثَّلَ لَہَا بَشَرًا سَوِیًّا ﴿۱۷﴾
ترجمۂکنزالایمان: تو ان سے ادھر ایک پردہ کرلیا تو اس کی طرف ہم نے اپنا روحانی  بھیجا وہ اس کے سامنے ایک تندرست آدمی کے روپ میں ظاہر ہوا۔
ترجمۂکنزُالعِرفان: تو ان (لوگوں) سے ادھر ایک پردہ کرلیا تو اس کی طرف ہم نے اپنا روحانی (جبرئیل) بھیجا تووہ اس کے سامنے ایک تندرست آدمی کی صورت بن گیا۔
{فَاتَّخَذَتْ مِنۡ دُوۡنِہِمْ حِجَابًا:تو ان سے ادھر ایک پردہ کرلیا۔} جب حضرت مریم رَضِیَ اللّٰہُ تَعَالٰی عَنْہاخَلْوَت میں تشریف لے گئیں تو آپ رَضِیَ اللّٰہُ تَعَالٰی عَنْہا نے اپنے اور گھر والوں کے درمیان پردہ کر لیا، اس وقت اللّٰہ تعالیٰ نے حضرت مریم رَضِیَ اللّٰہُ تَعَالٰی عَنْہاکی طرف حضرت جبرئیل عَلَیْہِ السَّلَامکو بھیجا تو آپ عَلَیْہِ السَّلَامحضرت مریم رَضِیَ اللّٰہُ تَعَالٰی عَنْہا کے سامنے نوجوان، بے ریش، روشن چہرے اور پیچ دار بالوں والے آدمی کی صورت میں ظاہر ہوئے۔حضرت جبرئیل عَلَیْہِ السَّلَام کے انسانی شکل میں آنے کی حکمت یہ تھی کہ حضرت مریم رَضِیَ اللّٰہُ تَعَالٰی عَنْہا ان کے کلام سے مانوس ہو جائیں اور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…اٰل عمران:۴۲۔