Brailvi Books

فرماتے ہیں کہ جس نے قرآن پاک پڑھا وہ اس اَرْذَل عمر کی حالت کو نہ پہنچے گا کہ علم کے بعد محض بے علم ہوجائے۔(1)
نکمے پن کی عمر سے پناہ مانگنے کی دعا:
	حضرت انس بن مالک رَضِیَ اللّٰہُ تَعَالٰی عَنْہُ فرماتے ہیں،رسول اکرم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ یوں دعا مانگا کرتے تھے ’’اَعُوْذُ بِکَ مِنْ الْبُخْلِ وَالْکَسَلِ وَاَرْذَلِ الْعُمُرِ وَعَذَابِ الْقَبْرِ وَفِتْنَۃِ الدَّجَّالِ وَفِتْنَۃِ الْمَحْیَا وَالْمَمَاتِ‘‘ یعنی( اے اللّٰہ!)میں بخل سے ،سستی سے،نکمے پن کی عمر سے ،قبر کے عذاب سے ،دجال کے فتنے سے، زندگی اور موت کے فتنے سے تیری پناہ چاہتا ہوں۔(2) اللّٰہ تعالیٰ اپنے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کے صدقے ہمیں بھی ان تمام چیزوں سے محفوظ فرمائے،اٰمین۔
وَاللہُ فَضَّلَ بَعْضَکُمْ عَلٰی بَعْضٍ فِی الْرِّزْقِ ۚ فَمَا الَّذِیۡنَ فُضِّلُوۡا بِرَآدِّیۡ رِزْقِہِمْ عَلٰی مَا مَلَکَتْ اَیۡمَانُہُمْ فَہُمْ فِیۡہِ سَوَآءٌ ؕ اَفَبِنِعْمَۃِ اللہِ یَجْحَدُوۡنَ ﴿۷۱﴾
ترجمۂکنزالایمان: اور اللّٰہ نے تم میں ایک کو دوسرے پر رزق میں بڑائی دی تو جنہیں بڑائی دی ہے وہ اپنا رزق اپنے باندی غلاموں کو نہ پھیر دیں گے کہ وہ سب اس میں برابر ہوجائیں تو کیا اللّٰہ کی نعمت سے مکرتے ہیں۔ 
ترجمۂکنزُالعِرفان:اور اللّٰہ نے تم میں سے ایک کو دوسرے پر رزق میں برتری دی ہے تو جنہیں رزق کی برتری دی گئی ہے وہ اپنا رزق اپنے غلاموں، باندیوں پر نہیں لوٹاتے کہ کہیں وہ اس رزق میں برابر نہ ہوجائیں تو کیا صرف اللّٰہ کی نعمت سے مکرتے ہیں؟
{وَاللہُ فَضَّلَ بَعْضَکُمْ عَلٰی بَعْضٍ فِی الْرِّزْقِ:اور اللّٰہ نے تم میں سے ایک کو دوسرے پر رزق میں برتری دی ہے۔}
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…خازن، النحل، تحت الآیۃ: ۷۰، ۳/۱۳۳، ملخصاً۔
2…بخاری، کتاب التفسیر، سورۃ النحل، باب ومنکم من یردّ الی ارذل العمر، ۳/۲۵۷، الحدیث: ۴۷۰۷۔