Brailvi Books

سورۂ مُزّمّل
سورۂ مزمل کا تعارف
مقامِ نزول:
	 سورۂ مزمل مکہ مکرمہ میں  نازل ہوئی ہے۔( خازن، تفسیر سورۃ المزمل، ۴/۳۲۰)
رکوع اور آیات کی تعداد:
	 اس سورت میں  2رکوع، 20آیتیں  ہیں ۔
’’مزمل ‘‘نام رکھنے کی وجہ :
	مزمل کا معنی ہے چادر اوڑھنے والا اور اس سورت کی پہلی آیت میں  اللّٰہ تعالیٰ نے اپنے حبیب صَلَّی اللّٰہُ تَعَالٰی عَلَیْہِ  وَاٰلِہٖ وَسَلَّمَ کو ’’یٰۤاَیُّهَا الْمُزَّمِّلُ‘‘ فرما کر ندا کی ہے،اس مناسبت سے اسے ’’سورۂ مزمل‘‘ کہتے ہیں  ۔
سورۂ مزمل کے مضامین:
	اس سورت کا مرکزی مضمون یہ ہے کہ اس میں  حضورِ اقدس صَلَّی اللّٰہُ تَعَالٰی عَلَیْہِ  وَاٰلِہٖ وَسَلَّمَ کی عبادت، وظائف اور اَذکار سے متعلق کلام کیاگیا ہے اور اس میں  یہ مضامین بیان کئے گئے ہیں ۔
	اس سورت کی ابتداء میں  اللّٰہ تعالیٰ نے اپنے حبیب  صَلَّی اللّٰہُ تَعَالٰی عَلَیْہِ  وَاٰلِہٖ وَسَلَّمَ سے بڑے لطف و کرم والے انداز میں  خطاب فرمایا اور انہیں  رات کے کچھ حصے میں  اپنی عبادت کرنے،خوب ٹھہر ٹھہر کرقرآنِ مجید کی تلاوت کرنے کا حکم دیا اور انہیں بتایاکہ ہم عنقریب آپ پر ایک انتہائی عظمت،جلالت اور قدر والا کلام نازل فرمائیں  گے ۔
(1)…یہ بتایا گیا کہ دن کے مقابلے میں  رات کے وقت عبادت کرنے میں  زیادہ دل جمعی حاصل ہوتی ہے۔
(2)…کافر وں  کی گستاخیوں  پررسولِ کریم صَلَّی اللّٰہُ تَعَالٰی عَلَیْہِ  وَاٰلِہٖ وَسَلَّمَ کو صبر کرنے کی تلقین کی گئی اور آپ سے فرمایا