Brailvi Books
 |
ثواب بڑھانے کے نسخے |
29 - 43
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
{51} بیان کرنے کی نیّتیں
{مَدَنی چینل کے مبلّغین بھی حسبِ حال نیّتیں کر سکتے ہیں }
٭حمدوصلوٰۃ اور مَدَنی ماحول میں پڑھائے جانے والے دُرُود و سلام پڑھاؤں گا ٭دُرود شریف کی فضیلت بتا کر صلُّو اعَلَی الْحَبِیب !کہوں گا یوں خود بھی دُرُودِ پاک پڑھوں گا اور دوسروں کو بھی پڑھاؤں گا٭سنّی عالم کی کتاب سے پڑھ کر بیان کروں گا٭پارہ14،سُوْرَۃُالنَّحْل،آیت125:اُدْعُ اِلٰی سَبِیۡلِ رَبِّکَ بِالْحِکْمَۃِ وَ الْمَوْعِظَۃِ الْحَسَنَۃِ (ترجَمۂ کنزالایمان: اپنے رب کی راہ کی طرف بلاؤ پکّی تدبیر اور اچّھی نصیحت سے)اوربُخاری شریف( حدیث3461)میں وارِد اِس فرمانِ مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ: بَلِّغُوْاعَنِّیْ وَ لَوْآیَۃ۔ یعنی ’’پہنچادو میری طرف سے اگر چِہ ایک ہی آیت ہو ‘‘ میں دیئے ہوئے اَحکام کی پیروی کروں گا ٭ نیکی کا حکم دوں گا اوربُرائی سے منع کروں گا٭اشعار پڑھتے نیز عربی، انگریزی اور مشکل الفاظ بولتے وقت دل کے اِخلاص پر توجُّہ رکھوں گایعنی اپنی علمیَّت کی دھاک بٹھانی مقصود ہوئی تو بولنے سے بچوں گا٭ مَدَنی قافلے، مَدَنی انعامات ، نیز عَلاقائی دورہ، برائے نیکی کی دعوت وغیرہ کی رغبت دلاؤں گا ٭قہقہہ لگانے اور لگوانے سے بچوں گا٭ نظر کی حفاظت بنانے کی خاطر حتَّی الامکان نگاہیں نیچی رکھوں گا۔
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد