Brailvi Books
 |
سرما یۂ آخِرت |
70 - 191
اس کی خبر بادشاہ کے وزیر عبدالرحیم خانخاناں کو ہوئی تو اس نے کئی لاکھ روپیہ آپ کی خدمت میں زادِ راہ کے لیے بطورِ نذرانہ پیش کیا اور التجا کی: مجھے امید ہے کہ حضرت اس حقیر نذرانہ کو قبول فرما کر ممنون فرمائیں گے،آپ بے حد ناراض ہوئے ے اور روپیہ یہ کہہ کر واپس کردیا کہ ہم فقیروں کے لیے ہرگز مناسب نہیں کہ ہم مخلوقِ خدا کی گاڑھی کمائی کا مال ضائع کر کے حج کو جائیں یہ تو رعایا کا ہی حق ہے۔ (تذکرۃ الاولیاء) یہ چیزیں ضرورت مندوں کو دی جائیں حضرت شیخ المشائخ بابا فرید الدین گنج شکر رَحْمَۃُ اللہِ عَلَیْہکی خدمت میں ایک بار سلطان ناصر الدین حاضرہوا اور آپ کی صحبت سے اس قدر متأثرہواکہ اپنے وزیر خاص کے ذریعہ چند مواضعات کی جاگیر اور بہت سا روپیہ بطورِ نذرانہ ارسالِ خدمت کیا آپ نے جاگیر کا فرمان اور روپیہ قبول کرنے سے شدت کے ساتھ انکار کرتے ہوئے ے فرمایا: میں ہدایت کرتا ہوں کہ یہ چیزیں ضرورت مندوں کو دی جائیں ہمارے خواجگان چشت نے ہمیشہ ان چیزوں سے پرہیز کیاہے۔(سیرالاولیاء) فقیروں کو مال و دولت سے کیا کام حضرت صید علی شاہ صاحب سوہاوی (کشمیری) رَحْمَۃُ اللہِ عَلَیْہ کی خدمت میں والی پونچھ راجہ بلدیوسنگھ نے سردار محمد اکرم خان رئیس اعظم و سپرنٹنڈنٹ پولیس خواجہ عبداللہ رئیس پونچھ اور میاں نظام الدین وزیر کے ذریعہ پیغام بھیجا کہ میں آپ کی خدمت میں قدم