Brailvi Books

منحوس بدمذہبوں کی بات سننی ہی نہیں ہے
	مذکورہ حکایت سے ان لوگوں کو بھی درس حاصِل کرنا چاہے کہ جو یہ سمجھتے ہیں کہ جو کوئی بھی قراٰن وحدیث بیان کرے آنکھیں بند کر کے اُس سے سُن لینا چاہے اگر ایسا ہوتا تو مسلمانوں کے جلیلُ القَدر امام حضرت سیِّدُنا امام ابوبکر محمد ابنِ سِیرین عَلَیْہِ رَحْمَۃُاللّٰہِ المُبین  جیسے عظیم عالمِ دین نے اُن بدعقیدہ آدمیوں سے قراٰن وحدیث کوکیوں نہیں سنا! بس یوں سمجھو کہ انہوں نے نہ سُن کر گویا ہم جیسوں کو سمجھایا ہے کہ میں بھی نہیں سنتا تم بھی مت سنو!حالانکہ آپ رَحْمَۃُ اللّٰہِ تَعَالٰی عَلَیْہِ  عربی دان اور جلیل القدر عالم و مُجتَہِدتھے، اگر وہ بدعقیدہ لوگ تاویل کرتے تو پکڑے بھی جاتے مگر ان منحوس بدمذہبوں سے سننا ہی نہیں ہے کہ شیطان کو بہکاتے دیر نہیں لگتی۔ اگر آپ رَحْمَۃُ اللّٰہِ تَعَالٰی عَلَیْہِ سن لیتے تو دوسروں کے لئے دلیل ہو جاتی اور وہ سُن کر گمراہ ہوتے۔ اور ہاں آپ نے ان کو جو چلے جانے کا حکم فرمایا وہ کوئی بداَخلاقی نہیں تھی بلکہ ایسا کرنا عین حُسنِ اَخلاق ہے۔اللّٰہ و رسول عَزَّوَجَلَّ وَصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے دشمنوں کی خاطِر تواضُع نہیں کی جاسکتی ۔
جو ہیں دشمن رسول کے اُن کو
ہم نے دل سے نکال رکھا ہے
صَلُّوْا عَلَی الْحَبِیْب!		صَلَّی اللّٰہُ تَعَالٰی عَلٰی مُحَمَّد