Brailvi Books

ملک فانی میں فنا ہر شے کو ہے	سن لگا کر کان آخر موت ہے
بارہا عِلمیؔ تجھے سمجھا چکے
مان یا مت مان آخِر موت ہے
وَزارتیں کام نہیں آئیں گی 
	اللہ تَعَالٰی  نے انسان کو اپنی عبادت کے لئے پیدا کیاہے، اگر اِس نے اپنی زندَگی کے مقصد میں کامیابی حاصِل نہیں کی اوربروزِمحشر گناہوں کا انبار لے کر اپنے پَروَردگار عَزَّ وَجَلَّ کے دربارمیں پیش ہو ا تو رب تعالیٰ کی ناراضی کی صورت میں اس کی دنیاکی بے شمار دولت بھی اسے اپنے ربِّ قھار عَزَّ وَجَلَّ کے قہر و غضب سے نہیں بچا سکے گی ۔ دُنیوی علوم و فنون، کار خانے ، اَسلحہ(اَسْ۔لِ۔حَہ)، دُنیوی سورس(SOURCE)، منصب ، وَزارتیں ، دُنیوی آسائشیں ، شہرتیں ، قوتیں ، دُنیوی عظمتیں اللہ تَعَالٰی کی بارگاہ میں سرخرو نہیں کر سکیں گی۔
    اِقتدارکے نشے میں مست ہوکر ایک دوسرے کے عیبوں کو اُچھالنے والوں ، دہشت گردیوں کا بازارگرم کرنے والوں اورمسلمانوں کے حقوق پامال کرنے والوں کیلئے لمحۂ فکریہ ہے، اگرمعصیت کے سبب اللہ تَعَالٰی  ناراض ہو گیا، اسکے پیارے حبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  رُوٹھ گئے اورایمان برباد ہو گیا تووہ وہ مشکلات دَر پیش ہو ں گی جوکبھی بھی حل نہیں ہوں گی۔ ربُّ العباد  عَزَّ وَجَلَّ پارہ 30 سُوْرَۃُ الْہُمَزَہ  میں ارشاد فرماتا ہے: