Brailvi Books

 بھی نہیں  ہوتا اور وہ یتیموں  کا مال کھانے کے حرام فعل میں  مُلَوّث ہوجاتا ہے جیسے جب میت کے ورثاء میں  کوئی یتیم ہے تو اس کے مال سے یا اس کے مال سمیت مشترک مال سے دوسرے لوگوں  کیلئے فاتحہ تیجہ وغیرہ کا کھانا حرام ہے کہ اس میں  یتیم کا حق شامل ہے، لہٰذا یہ کھانے صرف فقراء کیلئے بنائے جائیں  اور صرف بالغ ورثاء کے مال سے ان کی اجازت سے تیار کئے جائیں  ورنہ جو بھی جانتے ہوئے یتیم کا مال کھائے گا وہ دوزخ کی آگ کھائے گااور قیامت میں  اس کے منہ سے دھواں  نکلے گا۔
مالِ وراثت سے متعلق پائی جانے والی8 عمومی غفلتیں 
	میراث کے شرعی احکام سے لا علمی کی بنا پر جبکہ بعض اوقات فکر ِآخرت کی کمی اور اسلامی احکام پر عمل کا جذبہ نہ ہونے کی وجہ سے مالِ وراثت کے بارے میں  ہمارے معاشرے میں  بہت سی غفلتوں  اور کوتاہیوں  کا اِرتکاب کیا جاتا ہے، یہاں  ان میں  سے 8غفلتیں  ملاحظہ ہوں  تاکہ مسلمان ان کی طرف توجہ کر کے اصلاح کی کوشش کر سکیں۔
پہلی غفلت، یتیم وارث کے مال سے میت کی فاتحہ،نیاز اور سوئم وغیرہ کے اخراجات کرنا:
	کسی شخص کا انتقال ہونے پر ا ُسے ثواب پہنچانے کے لئے ورثاء سوئم، دسواں ،چالیسواں ، فاتحہ اور نذر و نیاز کا اہتمام کرتے ہیں ،یہ اچھے اور باعث ِثواب اعمال ہیں  لیکن اس میں  بعض اوقات یہ غفلت برتی جاتی ہے کہ ان اُمور پر ہونے