Brailvi Books
 |
خُلَاصَۃُ النَّحْو |
56 - 107
الدرس الخامس والستون مبتدا کی قسم ثانی جو صیغۂ صفَت نفی یا استفہام کے بعد واقع ہو اور اسم ظاہر کو رفع دے وہ بھی مبتدا ہوتا ہے اسی کو مبتدا کی قسم ثانی کہتے ہیں : ہَلْ ذَاہِبٌ وَلَدَانِ، مَا مَوْجُوْدٌ رِجَالٌ۔ قواعد وفوائد: .1صفت کا صیغہ واحد اور اسم ظاہر تثنیہ یا جمع ہو تو صفت کا صیغہ مبتدا اور اسم ظاہر اس کا فاعل یا نائب فاعل قائم مقام خبرہو گا: أَ حَزِیْنٌ غُلَامَانِ، لَا مَہْزُوْمٌ جُیُوْشٌ۔ .2صیغۂ صفَت اور اسم ظاہر دونوں تثنیہ یا دونوں جمع ہوں توصیغۂ صفَت خبر مقدم اور اسم ظاہر مبتدا مؤخر کہلائے گا: أَ مُجْتَہِدَانِ تِلْمِیْذَانِ، مَا مُکَرَّمُوْنَ فَاسِقُوْنَ۔ .3صفت کا صیغہ اور اسم ظاہر دونوں واحد ہوں تواختیار ہے کہ صیغۂ صفَت کو مبتدا بنائیں اور اسم ظاہر کو فاعل قائم مقام خبر یا صفت کو خبر مقدم قرار دیں اور اسم ظاہر کو مبتدا مؤخر: أَ مُسْتَنْصِرٌ ضَعِیْفٌ، مَا مَرْمِيٌّ حَجَرٌ۔ تنبیہ: ایسا نہیں ہوسکتا کہ اسم ظاہر واحد اور صفت کا صیغہ تثنیہ یا جمع ہو یا ان میں سے کوئی ایک تثنیہ اور دوسراجمع ہو۔ ٭٭٭٭٭٭٭ ’’نبذہ وراء ظہرہ‘‘ اس کا لفظی ترجمہ ہے: اس کو اپنی پیٹھ کے پیچھے پھینک دیا، مجازی معنی یہ ہے کہ کسی چیز کو اہمیت نہیں دی، اس کی طرف وہ التفات نہیں کیا جس کی وہ مستحق تھی، اردو میں اس معنی کی تعبیر کے لئے ’’پس پشت ڈالنا‘‘ استعمال ہوتا ہے۔ قرآنِ کریم میں ہے: ’’نَبَذَ فَرِیۡقٌ مِّنَ الَّذِیۡنَ اُوۡتُوا الْکِتٰبَ ٭ۙ کِتٰبَ اللہِ وَرَآءَ ظُہُوۡرِہِمْ کَاَنَّہُمْ لَایَعْلَمُوۡنَ‘‘ (عربی محاورات، ص۳۹)