Brailvi Books

الدرس الخمسون
اَفعالِ قُلوب کا بیان
	جواَفعال ایسے دومفعولوں  کو نصب دیں جواصل میں مبتدا اور خبرہوں اُنہیں  اَفعالِ قلوب کہتے ہیں : عَلِمَ، رَاٰی، وَجَدَ، ظَنَّ، حَسِبَ، خَالَ، زَعَمَ(۱۱)۔
	اِن میں  سے پہلے تین اَفعال یقین ظاہر کرتے ہیں : عَلِمْتُ الْعِلْمَ نَافِعًا۔ بعد کے تین اَفعال ظن پر دلالت کرتے ہیں : ظَنَنْتُ زَیْدًا شَاعِرًا۔اورزَعَمَ کبھی یقین اور کبھی ظن ظاہر کرتاہے : زَعَمْتُ بَکْرًا مُحْسِنًا۔(حل:۴/ ۳۱۸ ،ہد: ۲۹ ۲ ، ضح: ۱۳۷) 
قواعد وفوائد:
	.1یہ افعال جملہ اسمیہ پرداخل ہوکرمبتدا اورخبردونوں  کو مفعولیت کی بنا پر نصْب دیتے ہیں  جیسے مذکورہ بالامثالوں  سے واضح ہے۔(ص:۴/۳۱۸،صا:۶۱۵)
	.2چونکہ افعال قلوب کے دونوں  مفعول اصل میں  مبتدا اور خبر ہوتے ہیں  اس لیے ان دونوں  کے وہی اَحکام ہیں  جو مبتدا اور خبر کے ہیں۔
	.3افعال قلوب مبتدااور خبرکے درمیان یااِن دونوں  کے بعد آئیں تواِن کو عمل دینا اور نہ دینا دونوں  جائز ہیں : فَاطِمَۃُ عَلِمْتُ عَالِمَۃٌ۔(ص:۴/۳۲۸، ضح:۱۴۳)
	.4 افعال قلوب کا خاصہ ہے کہ ان میں  ایک شخص کی دو ضمیریں  فاعل اور مفعول ہوسکتی ہیں : رَأَیْتُنِيْ رَاغِبًا فِي التَعَلُّمِ۔جبکہ دیگر افعال میں  ایسا نہیں  ہوسکتا۔
	.5اِن افعال کا مفعول بہ اگر ایک ہی ہو تویہ افعالِ قلوب نہیں  کہلائیں  گے: ظَنَّ زَیْدًا(وہم کرنا )  عَلِمَ(پہچاننا)   رَاٰی(دیکھنا)  وَجَدَ(پانا) ۔(ص:۴/۳۲۵)