Brailvi Books
 |
خوف خدا عزوجل |
61 - 161
ان سے پوچھا گیا،''آپ کو کس چیز نے رُلایا ؟'' فرمایا،''خدا عزوجل کی قسم! میں نہ تو موت کی گھبراہٹ سے رو رہاہوں اور نہ ہی دنیا سے رخصتی کے غم میں آنسو بہارہاہوں۔بلکہ میں تو اس لئے روتا ہوں کہ میں نے حضور اکرم صلي اللہ تعالي عليہ وسلم سے سنا کہ ،''دو مٹھیاں ہیں ، ایک جہنم میں جائے گی اور دوسری جنت میں...۔'' اور مجھے نہیں معلوم کہ میں کون سی مٹھی میں ہوں گا۔
(شعب الایمان ،باب فی الخوف من اللہ تعالیٰ ،ج۱،ص۵۰۲،رقم الحدیث ۸۴۱ )
(40) ( میں دنیا کے چھوٹنے پر نہیں روتا۔۔۔۔۔۔ )
حضرت سَیِّدُنا حذیفہ رضي اللہ تعالي عنہ کی موت کا وقت جب قریب آیا تو رو دئيے اور شدید گھبراہٹ کا اظہار ہونے لگا ۔لوگوں نے ان سے رونے کا سبب پوچھا تو فرمایا،''میں دنیا چھوٹنے پر نہیں روتا کیونکہ موت مجھے محبوب ہے ،بلکہ میں تو اس لئے رورہا ہوں کہ میں اللہ تعالیٰ کی رضا پر دنیا سے جارہاہوں یا ناراضگی میں ؟''