Brailvi Books

اِذَا الشَّمْسُ کُوِّرَتْ ۪ۙ﴿۱﴾

جب دھوپ لپیٹی جائے ۔''(ترجمہ کنزالایمان ۔پ۳۰، التکویر)

   پھر جب اس آیت پر پہنچے ،''

وَ اِذَا الصُّحُفُ نُشِرَتْ ﴿۪ۙ۱۰﴾

اور جب نامہ اعمال کھولے جائیں ۔(ترجمہ کنزالایمان، پ۳۰، التکویر۱۰)'' تو بے ہوش ہو کر گر پڑے ۔

 (احیاء العلوم ، کتاب الخوف والرجاء ج ۴، ص ۲۲۶)

 (23)          (آگے نہ پڑھ سکے۔۔۔۔۔۔ )

    حضرت عبید بن عمر رضي اللہ تعالي عنہ فرماتے ہیں کہ ہمیں حضرت سَیِّدُنا عمر فاروق رضي اللہ تعالي عنہ نے فجر کی نماز پڑھائی اور سورۂ یوسف کی قرأت کی ، جب اس آیت پر پہنچے ،

وَابْیَضَّتْ عَیۡنٰہُ مِنَ الْحُزْنِ فَہُوَکَظِیۡمٌ ﴿۸۴﴾

اور اس کی آنکھیں غم سے سفید ہو گئیں تو وہ غصہ کھاتا رہا ۔(ترجمہ کنزالایمان ،پ۱۳، یوسف ۸۴)

    تو رونے لگے اور خوف ِخدا کے غلبہ کی وجہ سے آگے نہ پڑھ سکے اور رکوع کردیا۔

 (کنزالعمال ج۱۲،ص۲۶۴،رقم الحدیث۳۵۸۲۸)