Brailvi Books

خوف خدا عزوجل

137 - 161

اور اگر رونا نہ آئے تو رونے جیسی صورت بنا لیجئے کہ یہ رونا ہمیں رب تعالیٰ کی ناراضگی سے بچا کر اس کی رضا تک پہنچائے گا ، بطور ِ ترغیب ان روایات کو ملاحظہ فرمائیں۔۔۔۔۔۔۔۔۔۔۔۔

 (ہرگز جہنم میں داخل نہیں ہوگا۔۔۔۔۔۔)

    رحمتِ عالمیان صلی اللہ تعالی علیہ والہ وسلم  نے فرمایا،'' جو شخص اللہ تعالیٰ کے خوف سے روتا ہے ، وہ ہرگز جہنم میں داخل نہیں ہوگا حتی کہ دودھ (جانور کے )تھن میں واپس آجائے ۔''

 (شعب الایمان ،باب فی الخوف من اللہ تعالیٰ ،ج۱،ص۴۹۰،رقم الحدیث ۸۰۰ )

 (بخشش کا پروانہ۔۔۔۔۔۔)

    حضرت سَیِّدُناانس رضي اللہ تعالي عنہ سے مروی ہے کہ رسول اللہ صلي اللہ تعالی عليہ وسلم نے ارشاد فرمایا،'' جو شخص اللہ تعالیٰ کے خوف سے روئے ، وہ اس کی بخشش فرما دے گا۔''

 (کنز العمال ، ،ج۳،ص۶۳،رقم الحدیث ۵۹۰۹ )

 (نجات کیا ہے؟۔۔۔۔۔۔)

    حضرت سَیِّدُناعقبہ بن عامررضي اللہ تعالي عنہ نے عرض کی ،''یارسول اللہ صلي اللہ تعالی عليہ وسلم! نجات کیا ہے ؟'' ارشاد فرمایا،'' اپنی زبان کو قابو میں رکھو، تمہارا گھر تمہیں کفایت کرے (یعنی بلاضرورت باہر نہ جاؤ) اور اپنی خطاؤں پر آنسو بہاؤ۔''

 (شعب الایمان ،باب فی الخوف من اللہ تعالیٰ ،ج۱،ص۴۹۲،رقم الحدیث ۸۰۵ )

 (بلا حساب جنت میں۔۔۔۔۔۔)

    ام المؤمنین حضرت سیدتناعائشہ صدیقہ رَضِیَ اللہ تعالٰی عَنہا فرماتی ہیں کہ میں نے