Brailvi Books

    حضرت سَیِّدُنا ابراہیم بن ادھم رضي اللہ تعالي عنہ ایک مرتبہ غسل فرمانے کے لئے کسی حمام میں گئے ۔ حمام کے مالک نے آپ کو روکا اور کہنے لگا ،''اگر درہم نہیں دو گے تو اندر داخل نہیں ہونے دوں گا۔'' اس کی یہ بات سن کر آپ نے رونا شروع کر دیا ۔ وہ آپ کو روتا دیکھ کر پریشان ہوگیا اور عرض کرنے لگا ،''اگر آپ کے پاس درہم نہیں ہیں تو کوئی بات نہیں ، آپ یونہی غسل فرما لیجئے۔ '' آپ نے فرمایاکہ ،''میں تمہارے روکنے کی وجہ سے نہیں رویا بلکہ مجھے تو اس بات نے رلا دیا کہ آج درہم نہ ہونے کی وجہ سے مجھے اس حمام میں جانے سے روک دیا گیا ہے جس میں نیک وبد سبھی نہاتے ہیں تو اگر کل نیکیاں نہ ہونے کے سبب مجھے اس جنت سے روک لیا گیا جو صرف نیکوں کا مقام ہے تو میرا کیا بنے گا ؟''