Brailvi Books
 |
خوف خدا عزوجل |
111 - 161
تھے؟'' لوگوں نے اسے بتایا،''یہ حضرت سَیِّدُنا بشر بن حارث رضي اللہ تعالي عنہ تھے۔ '' تو اس نے کہا ، ''آہ میری بد نصیبی! میں آج کے بعد ان سے نگاہ نہیں ملا پاؤں گا ۔'' پھر اس شخص کو بخار آگیا اور ساتویں دن اس کا انتقال ہو گیا ۔
(کتاب التوابین ، ص۲۱۳ )
(101) ( میں کس گنتی میں آتا ہوں؟۔۔۔۔۔۔ )
ایک مرتبہ حضرت سیدنا داؤدطائی رضي اللہ تعالي عنہ نے امام جعفر صادق رضي اللہ تعالي عنہ کی خدمت میں حاضر ہو کر عرض کی،''آپ چونکہ اہل ِ بیت میں سے ہیں ،اس لئے مجھے کوئی نصیحت فرمائیں۔'' لیکن وہ خاموش رہے ۔ جب آپ نے دوبارہ عرض کی کہ ،''اہل ِ بیت ہونے کے اعتبار سے اللہ تعالیٰ نے آپ کو جو فضیلت بخشی ہے ، اس لحاظ سے نصیحت کرنا آپ کے لئے ضروری ہے ۔'' یہ سن کر امام جعفر رضي اللہ تعالي عنہ نے فرمایا ،''مجھے تو خود یہ خوف لاحق ہے کہ کہیں قیامت کے دن میرے جد ِ اعلی ا میرا ہاتھ پکڑ کر یہ نہ پوچھ لیں کہ تو نے خود میری پیروی کیوں نہیں کی ؟ کیونکہ نجات کا تعلق نسب سے نہیں اعمال ِ صالحہ پر موقوف ہے ۔ '' یہ سن کر حضرت داؤو طائی رضي اللہ تعالي عنہ کو بہت عبرت ہوئی کہ جب اہل ِ بیت کے خوف ِ خدا عزوجل کا یہ عالم ہے تو میں کس گنتی میں آتا ہوں ؟''