Brailvi Books
 |
فتاویٰ رضویہ جلد نمبر۲۴(کتاب الحظر والاباحۃ) |
108 - 160
مسئلہ ۲۰۴: ازحبیب والا ضلع بجنور تحصیل دھامپور مرسلہ منظوراحمد صاحب ۱۱شوال ۱۳۳۷ھ کیافرماتے ہیں علمائے دین اس مسئلہ میں کہ تعزیہ بنانے اور ان پرملیدے چڑھانے اور ایسی مجلسیں کرناکہ جس میں اہلبیت کی فضیحت اوررسوائی ہو اور نتیجہ یہ ہوکہ ان کو سجدے کئے جائیں اورمنتیں ان سے مانگی جائیں، یہ فعل یا اس فعل میں شرکت کرنے والے کیسے ہیں جائزہیں یاناجائز؟ حالانکہ مسئلہ اصول کاہے کہ فعل مستحب جب کسی لوازم کی وجہ سے وہ اپنے درجہ کو چھوڑ کر واجب یافرضیت میں آجائے تو اس وقت اس کاترک مستحب ہے توا ب بنابراصول کہ یہ مسائل مذکورہ بالاجائزہیں یانہیں نقصان ہے؟ مدلّل تحریر کیجئے۔
الجواب : تعزیہ ناجائزہے اور ایسی مجلس جس میں معاذاﷲ توہین اہلبیت کرام ہو قطعاً حرام اور ان میں شرکت ناجائزوحرام۔ واﷲ تعالٰی اعلم
مسئلہ ۲۰۵ : سلطان الاسلام احمدصاحب اجمیرشریف تعزیہ بناکے نکالنا، اس کے ساتھ ڈھول نقارے بجانا، قبر کی صورت بناکر جنازہ کی طرح نکالنا، اس پرپھول وغیرہ چڑھانا جائزہے یانہیں؟ فقط الجواب : یہ سب باتیں ناجائزہیں۔ واﷲ تعالٰی اعلم
مسئلہ ۲۰۶: ازریاست راجگڑھ بیادرہ، ایجنسی بھوپال، سنٹرل انڈیا، مسئولہ محمداسمٰعیل سوار رسالہ باڈی گارڈ ۱۵محرم الحرام ۱۳۳۹ھ کیافرماتے ہیں علمائے دین اس بارے میں کہ محرم میں تعزیہ بنانا اور اس سے منتیں مرادیں مانگنی، عَلَم اٹھانے، مہندی چڑھانا، بچوں کو سبزکپڑے پہنانے او ر ان کے گلوں میں ڈوریاں باندھ کر ان کو حضرت امام حسین رضی اﷲ تعالٰی عنہ کافقیربنانا، دس روز تک سوگواررہنا، اور اس کے بعد سوئم اور دسواں چالیسواں کرنا، ایسے مرثیوں کاپڑھنا جس میں اہلبیت کے سرپیٹنے اور بین کرنے، خلاف شرع امورکاذکرہے، اور یہ کہ ان مراسم کی ادائیگی کوحب اہلبیت سمجھنا عام طورسے ہمراہیان یزید کو لعین مردود کافرکہنا حضرت امیرمعاویہ رضی اﷲ تعالٰی عنہ کوبراکہنا اور اس کو مقتضائے حب علی رضی ا ﷲ تعالٰی عنہ سمجھنا، حضرت امام حسن وحسین رضی اﷲ تعالٰی عنہما کو جملہ انبیاء سے بھی رتبہ میں بڑھ کرسمجھنا بایں خیال کہ حضرات صوفیہ کرام نے بھی ایساہی سمجھاہے اور ایساسمجھنے کو عین ایمان کہنا کیساہے؟ بیّنواتوجروا۔