Brailvi Books

حدیث چہارم :  ابن سعد عامر رحمہ اللہ تعالٰی مرسلاً راوی حضور سید عالم صلی اللہ تعالٰی علیہ وسلم فرماتے ہیں:

ان اﷲ تعالٰی لاینظر الی من یخضب بالسواد یوم القیمۃ ۱؎۔

جو سیاہ خضاب کرے اللہ تعالٰی روز قیامت اس کی طرف نظر رحمت نہ فرمائے گا۔

 (۱؎ کنز العمال      بحوالہ ابن سعد رضی اﷲ تعالٰی عنہ     حدیث ۱۷۳۳۱     موسسۃ  الرسالہ بیروت    ۶ /۶۷۱)

حدیث پنجم: ابن عدی کامل میں اور دیلمی مسند الفردوس میں ابوہریرہ رضی اللہ تعالٰی عنہ سے راوی حضور اقدس صلی اللہ تعالٰی علیہ وسلم فرماتے ہیں :

ان اﷲ تعالٰی یبغض الشیخ الغربیب ۲؎۔

بیشک اللہ تعالٰی دشمن رکھتا ہے بوڑھے کوّے کو ۔

 (۲؎ الفردوس بما ثور الخطاب عن ابی ہریرہ    حدیث ۵۶۰         دارالکتب العلمیہ بیروت    ۱ /۱۵۳)

تعلیقات علامہ حفنی میں ہے:

الغربیب ای الذی یسود شیبہ ۳؎۔

الغربیب وہ ہوتا ہے جو بڑھاپے (کے روپ) کو بدل ڈالے۔ (ت)

 (۳؎ تعلیقات علامہ حفنی علی ہامش السراج المنیر تحت حدیث ان اﷲ یبغض الخ مطبعۃ الازہریۃ المصریہ  ۱/۳۷۹)

عزیزی میں ہے:

الغربیب الذی لایشیب او الذی یسود شیبہ بالخضاب ۴؎۔

الغربیب وہ ہوتا ہے جو بوڑھا نہ دکھائی دے یا وہ جو اپنے بڑھاپے (کی علامت) یعنی سفید بالوں کو خضاب سے سیاہ کردے۔

 (۴؎ السراج المنیر     تحت حدیث ان اللہ یبغض الشیخ الغربیب     مطبعۃ الازہریۃ المصریہ   ۱ /۳۷۹)