Brailvi Books
 |
گُنَاھوں کے عَذَابات( حصہ اول ) |
64 - 86
دُرُود شریف کی فضیلت فرمانِ مصطفے ٰ صَلَّی اللہُ تَعَالٰی عَلَیْہِ وَاٰلِہٖ وَسَلَّم: جس نے یہ کہا : ”جَزَ ی اللّٰہُ عَنَّا مُحَمَّدًا مَّاھُوَ اَھْلُہٗ“ (1) 70 فِرِشتے ایک ہزار دن تک اس کے لئے نیکیاں لکھتے رہیں گے ۔(2) صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد ( 21 )...تَجَسُّس ( عیب جُوئی ) ”تَجَسُّس“ کی تَعْرِیف لوگوں کی خُفْیہ ( چھپی ہوئی ) باتیں اور عیب جاننے کی کوشش کرنا تَجَسُّس کہلاتا ہے ۔() ”تَجَسُّس“ کی چند مِثَالَیں ٭ کسی سے یہ پوچھنا: رات دیر تک جاگتے رہتے ہو، فجر بھی پڑھتے ہو یا نہیں ؟ ٭ کسی نے نوکر رکھا تو اُس سے پوچھنا: آپ کا نیا نوکر برابر کام کرتا ہے یا نہیں ؟ یہ بھی بِلا اِجازتِ شَرْعِی پوچھنا عیب ڈھونڈنا ہے اور اس سوال کے جواب میں پورا خطرہ ہے کہ جس سے پوچھا گیا وہ نوکر کے بارے میں کام چور ہے ، حرام خور ہے وغیرہ کہہ کر گنہگار ہو جائے ۔(3) ٭ اسی طرح بِلا اِجازتِ شَرْعِی کسی کا کوئی عیب مَعْلُوم کرنے کے لئے اس کاپیچھا کرنا، اس کے گھر میں جھانکنا وغیرہ بھی تَجَسُّس میں داخِل ہے ۔ ________________________________ 1 - اللہ پاک ہماری طرف سے حضرت مُحَمَّد صَلَّی اللہُ تَعَالٰی عَلَیْہِ وَاٰلِہٖ وَسَلَّم کو ایسی جزا عطا فرمائے جس کے وہ اہل ہیں ۔ 2 - معجم اوسط ، ١ / ٨٢ ، حديث: ٢٣٥. 3 - الحديقة الندية ، الخلق الرابع و العشرون ، ٣ / ١٦٠. 4 - نیکی کی دعوت ، ص۳۹٩ ، بتقدم وتأخر.