Brailvi Books
 |
فیضانِ ربیع الاول |
53 - 85
(۲)…اپنے اُخروی ٹھکانے میں پہنچنے سے پہلے ہی اُسے یاد رکھ اور فضولیات و لذتوں کو چھوڑکراللہتعالیٰ کی طرف رجوع کر ۔ (۳)…موت کے لئے ایک وقت مقرر ہے لہٰذاتو دنوں اور گھڑیوں کی مصیبتوں کو یاد رکھ ۔ (۴)…اے عقلمند! دنیا اور اس کی زینت وآرائش پر مطمئن نہ ہو کہ اب موت آیا ہی چاہتی ہے ۔ بارگاہِ الٰہی میں کھڑے ہونے کا ڈر: ایک بزرگ رَحْمَۃُ اللہِ تَعَالٰی عَلَیْہ نے فرمایا: دو چیزوں نے میری دنیا کی لذت ختم کر دی: (۱)موت کی یاد اور (۲)اللہ عَزَّ وَجَلَّ کے حضور کھڑے ہونے کا ڈر ۔ وَ كَيْفَ يَلَذُّ الْعَيْشَ مَنْ كَانَ مُوْقِنًا بِاَنَّ الْمَنَايَا بَغْتَةً سَتُعَاجِلُه وَ كَيْفَ يَلَذُّ الْعَيْشَ مَنْ كَانَ مُوْقِنًا بِاَنَّ اِلٰهَ الْخَلْقِ لَا بُدَّ سَائِلُه ترجمہ: (۱)… اسے زندگی کا مزہ کیسے آسکتا ہے جسے یقین ہو کہ اُسے بہت جلد اوراچانک موت آ جائے گی ۔ (۲)…اور وہ زندگی کالطف کیسے اٹھا سکتا ہے جسے یقین ہو کہ ساری مخلوق کا معبود اس سے ضرورحساب لے گا ۔ نصیحت کے لئے موت کافی ہے : حضرت سیِّدُنا ابو درداء رَضِیَ اللہُ تَعَالٰی عَنْہ نے فرمایا: نصیحت کے لئے موت اور جدائی ڈالنے کے لیے زمانہ کافی ہے ، آج گھروں میں ہیں تو کل قبروں میں ہوں گے ۔ اُذْكُرِ الْمَوْتَ وَ لَازِمْ ذِكْرَهُ اَنَّ فِي الْمَوْتِ لِذِي اللُّبِّ عِبَر وَ كَفٰى بِالْمَوْتِ فَاعْلَمْ وَاعِظًا لِمَنِ الْمَوْتُ عَلَيْهِ قَدْ قُدِر ترجمہ: (۱)…موت کو یاد کرو اور اس کا ذکر لازم کر لو کیونکہ موت میں عقلمند کے لئے عبرت ہے ۔ (۲)…جان لو کہ جس کے لیے موت لکھی جاچکی اُسے نصیحت کے لیے موت ہی کافی ہے ۔ لمبی امید موت سے غافل کرتی ہے : موت کا آنا طے شدہ ہے اس کے باوجود انسان کا موت سے غافل ہونا تعجب خیز ہے اور اس کا سبب لمبی امید ہے ۔ شاعر کہتے ہیں: