Brailvi Books

منقول ہے کہ مشائخ میں سے ایک بزرگ کا ایک نوجوان شاگرد تھا وہ بزرگ اس کی تعظیم کرتے تھے ان کے کسی مرید نے پوچھا کہ آپ اس کی عزت کیوں کرتے ہیں جب کہ یہ نوجوان ہے اورہم عمررسیدہ ہیں؟ ان بزرگ (رحمۃ اللہ تعالیٰ علیہ) نے کچھ پرندے منگوائے اور ان سب کو ایک ایک پرندہ اور ایک ایک چھری دے دی اور فرمایا '' تم میں سے ہر ایک اس پرندے کووہاں ذبح کرے جہاں کوئی دیکھتا نہ ہو ''۔اس نوجوان کو بھی اسی طرح پرندہ دیا اور اس سے بھی وہی بات فرمائی۔ 

تھوڑی دیر کے بعد ان میں سے ہر ایک ذبح کیا ہوا پرندہ لے کرواپس آیا لیکن وہ نوجوان زندہ پرندہ ہاتھ میں پکڑے ہوئے واپس آیا ، بزرگ نے پوچھا کہ دوسروں کی طرح تم نے اسے کیوں ذبح نہ کیا ؟ اس نے کہا مجھے کوئی ایسی جگہ نہیں ملی جہاں کوئی دیکھتا نہ ہو کیوں کہ اﷲ(عزوجل) تو مجھے ہر جگہ دیکھتا ہے ۔ ان سب نے اس نوجوان کے مرُاقبے کو پسند کیا اور کہا کہ واقعی یہ نوجوان عزت و احترام کے لائق ہے۔

اسی طرح منقول ہے کہ حضرت سیدتنا زلیخا رضی اﷲ تعالیٰ عنہا جب حضرت سیدنا یوسف (علیہ السلام)کے ساتھ خلوت میں گئیں تو انہوں نے اپنے بت کا چہرہ ڈھانپ لیا حضرت سیدنا یوسف (علیہ السلام)نے فرمایا ''تم ایک پتھر سے حیا کرتی ہو (حالاں