Brailvi Books
 |
فیضانِ اِحیاءُ العُلوم |
8 - 325
زیادہ ہوتی ہے تب اسے دنیا سے جدا کرتا ہے اور جو شخص آخرت کی نِیّت کرے تو اللہ عزوجل اسکے دل کو غنی کر دیتا ہے اسکا سامان اسکے لئے جمع فرما دیتا ہے اور جب اسے دنیا سے جد افرماتا ہے تو وہ دنیا سے بہت زیادہ بے رغبت ہوتا ہے''۔ ( المعجم الکبیر للطبرانی۔ جلد ۱۱ ص ۳۶۶ حدیث ۱۱۶۹۰) حضرت سیدتنا ام سلمہ (رضی اللہ تعالیٰ عنہا) سے روایت ہے کہ آپ رضی اﷲ تعالیٰ عنہا فرماتی ہیں کہ حضور تاجدار مدینہ راحت قلب سینہ صلی اﷲ تعالیٰ علیہ والہٖ وسلم نے ایک لشکر کا ذکر فرمایا جو جنگل میں دھنسا دیا جائے گا تو میں نے عرض کیا یا رسول اللہ صلی اﷲ تعالیٰ علیہ والہ وسلم ان میں وہ لوگ بھی ہونگے جنہیں زبردستی لایا گیا ہے، اور وہ لوگ بھی ہونگے جو اجرت پر لڑیں گے؟۔ آپ صلی اﷲ تعالیٰ علیہ والہ وسلم نے فرمایا ''ان سب کا حشر انکی نِیّتوں کے مطابق ہوگا''۔ ( المستدرک، ج۴، ۴۳۱، کتاب الفتن) ایسے ہی حضرت سَیِّدُنَا عمر فاروق (رضی اﷲ تعالیٰ عنہُ) سے روایت ہے ، فرماتے ہیں کہ میں آقائے دو جہان رحمت عالمیان صلی اﷲ تعالیٰ علیہ والہ وسلم سے سنا، آپ صلی اﷲ تعالیٰ علیہ والہ وسلم نے ارشاد فرمایا:
اِنِّمَا یُقْتَتَلُ الْمُقْتَتِلُوْنَ عَلَی النِّیَّاتِ
ترجمہ: '' لڑنے والے اپنی اپنی نِیّتوں پر لڑتے ہیں'' (میزان الاعتدال ج۳، ۲۶۹، ترجمہ ۶۳۸۴) ایک اور مقام پر پیارے آقا میٹھے میٹھے مصطفی صلی اﷲ تعالیٰ علیہ والہ وسلم نے ارشاد فرمایا:
''اِذَا الْتَقَی الصَّفَّانِ نَزَلَتِ الْمَلاَئِکَۃُ تَکْتُبُ الْخَلْقَ عَلٰی مَرَاتِبِھِمْ فُلاَنٌ یُقَاتِلُ لِلدُّنْیَا فُلاَنٌ یُقَاتِلُ حَمِیَّۃً فُلاَنٌ یُقَاتِلُ عَصْبِیَّۃً اَلاَ فَلاَ تَقُوْلُوْا فُلاَنٌ قُتِلَ فِیْ سَبِیْلِ اللہِ فَمَنْ قَاتَلَ لِتَکُوْنِ کَلِمَۃُ اللہِ ھِیَ الْعُلْیَا فَھُوَ فِیْ سَبِیْلِ اللہِ''