Brailvi Books

میٹھے میٹھے اسلامی بھائیو! آفت اور ریا کے خوف سے عمل کو چھوڑنا مناسب نہیں کیوں کہ شیطان کی انتہائی آروزیہی ہے کہ بندہ عمل چھوڑ کر اللہ (عزوجل) کی رحمت سے مایوس ہو جائے۔ حالانکہ بندے کا مقصد تو یہ ہونا چاہئے کہ اخلاص نہ جانے پائے اور جب عمل کو چھوڑے گا تو عمل اور اخلاص دونوں چلے جائیں گے۔

منقول ہے کہ ایک فقیر حضرت سَیِّدُنَا ابو سعید خراز (رضی اﷲ تعالیٰ عنہُ) کی خدمت کیا کرتا اور ان کے اعمال میں مدد کرتا ایک دن حضرت سَیِّدُنَا ابو سعید (رضی اﷲ تعالیٰ عنہُ) نے حرکات کے سلسلے میں اخلاص کا ذکر کیا تو فقیر ہر حرکت میں دل کی نگرانی کرنے لگا اور اخلاص کو تلاش کرتا۔ چنانچہ اس کیلئے حاجات کی تکمیل بھی مشکل ہو گئی جس سے شیخ کو نقصان ہوا انہوں نے فقیر سے پوچھا کام کیوں نہیں کرتے تو اس نے بتایا کہ میں نفس سے حقیقت اخلاص طلب کرتا ہوں اور میرا نفس اخلاص سے عاجز ہے لہٰذا میں اسے چھوڑ دیتا ہوں۔حضرت سَیِّدُنَا ابو سعید(رضی اﷲ تعالیٰ عنہُ)نے فرمایا'' اس طرح نہ کرو کیوں کہ اخلاص عمل کو ختم نہیں کرتا لہٰذا ہمیشہ عمل کرو اور اخلاص کی کوشش کرو میں نے تم سے یہ نہیں کہا ہے کہ عمل چھوڑ دو میں نے تو صرف یہ کہا کہ عمل میں اخلاص پیدا کرو۔''

حضرت سَیِّدُنَا فضیل (رضی اﷲ تعالیٰ عنہُ) نے فرمایا ''لوگوں کی وجہ سے عمل کو چھوڑنا ریا ہے اور مخلوق کو دکھانے کیلئے عمل کرنا شرک''۔

مراقبہ او رمحاسبہ کا بیان:

میٹھے میٹھے اسلامی بھائیو ! یہاں سیدنا امام غزالی (رضی اﷲ تعالیٰ عنہُ) مراقبہ (فکر مدینہ) اور اپنے نفس کے محاسبہ کے بارے میں سیرحاصل گفتگو فرمانے والے ہیں اس لئے بطور خاص ایک مختصر خطبہ ارشاد فرماتے ہیں جس میں نفسانی و ساوس کی طرف