Brailvi Books

ترجمہ: ''جو شخص اس لیے لڑے کہ اللہ تعالیٰ کا کلمہ ہی بلند ہو تو وہ اللہ تعالیٰ کے راستے میں (مجاہد )ہے''۔

(صحیح بخاری ، ج اول، ص ۲۹۴، کتاب الجہاد)

حضرت سَیِّدُنَا عمر فاروق(رضی اﷲ تعالیٰ عنہُ)نے فرمایا '' تم کہتے ہو فلاں شخص شہید ہے اور ہو سکتا ہے اس نے اپنے جانور کے بور ے چاندی سے بھر لیے ہوں''۔ 

حضرت سَیِّدُنَاعبد اللہ ابن مسعود (رضی اﷲ تعالیٰ عنہُ)سے مروی ہے کہ نبیوں کے تاجدار ، رسولوں کے سالار، سرکار والا تبار (علیہ و علیہم الصلٰوۃ والسلام) نے فرمایا:

مَنْ ھَاجَرَ یَبْتَغِیْ شَیْئًا مِنَ الدُّنْیَا فَھُوَ لَہٗ۔

ترجمہ: ''جو شخص دنیا کی کوئی چیز حاصل کرنے کےلئے ہجرت کرے تو اس کےلئے وہی کچھ ہوگا''(مجمع الزوائد ، ج ۲، ص ۱۰۱، کتاب الصلٰوۃ)

تو اب ان آیات و احادیث کا جواب کیا ہوگا:

جواب غزالی (رضی اﷲ تعالیٰ عنہُ) :

میٹھے میٹھے اسلامی بھائیو! ہم کہتے ہیں یہ احادیث ہماری مذکورہ تقریر کے خلاف نہیں بلکہ مطلب یہ ہے کہ جو شخص صرف دنیا چاہتا ہو جیسا کہ ابھی حدیثِ ہجرت میں گزرا اور یہی (دنیا) اس کے ارادے پر غالب ہو اور ہم نے ذکر کیا کہ یہ گناہ اور زیادتی ہے یہ بات نہیں کہ طلبِ دنیا حرام ہے بلکہ دینی کاموں کو محض طلب دنیا کا آلہ بنا لینا حرام ہے ۔کیوں کہ اس