Brailvi Books

دوسری صورت میں غنیمت حاصل نہ ہو تو وہ ان دونوں صورتوں میں فرق نہیں پاتے یعنی یقینا مال غنیمت سے دل خوش ہوتا ہے۔

لیکن یہ بات بھی عقل سے بعید ہے کہ یہ فرق ان کے ثواب کوبالکل ضائع کر دیتا ہے بلکہ انصاف کی بات تو یہ ہے کہ جب جہاد کا باعث اصلی اور محرک ِقوی اللہ تعالیٰ کا کلمہ ہی بلند کرنا ہو اور غنیمت میں رغبت تابع ہو تو اس سے ثواب ضائع نہ ہوگا ہاں اس کا ثواب اس کے ثواب کے مساوی نہیں ہوگا جس کا دل غنیمت کی طرف بالکل متوجہ نہیں ہوتا کیوں کہ غنیمت کی طرف توجہ بہر حال نقصان دہ ہے۔اب یہاں ایک سوال پیدا ہوتا ہے اور وہ یہ کہ آیات و احادیث سے پتہ چلتا ہے کہ ریا سے ثواب ضائع ہو جاتا ہے اور طلبِ غنیمت، تجارت اور تمام نفسانی اغراض اسی معنیٰ میں ہیں ۔

چنانچہ حضرت سَیِّدُنَا طاؤس (رضی اﷲ تعالیٰ عنہُ) اور دیگر تابعین(رضی اﷲ تعالیٰ عنہم) سے مروی ہے کہ ایک شخص نے نبی اکرم ، شاہ بنی آدم،نور مجسّم صلی اللہ تعالی علیہ وسلم سے اس شخص کے بارے میں پوچھا جو نیکی کرتا ہے یا یہ پوچھا کہ صدقہ کرتا ہے تو پسند کرتا ہے کہ اس کی تعریف بھی کی جائے اور اسے اجر بھی ملے نبی اکرم  صلی اللہ تعالی علیہ وسلم نے اسے جواب نہ دیا حتی کہ یہ آیت مبارکہ نازل ہوئی۔