Brailvi Books

ہیں جو پہلی صورت میں نہیں ہوتے یہ بھی عین ریاکاری ہے اور اس سے اخلاص باطل ہوجاتا ہے کیوں کہ اگر وہ خشوع اور حُسنِ عبادت کو اتنا ہی اچھا سمجھتا ہے کہ دوسرے کیلئے اسے چھوڑنے پر راضی نہیں ہوتا تو خلوت میں خود اس کو اپنانے پر راضی کیوں نہیں اور بات ممکن نہیں کہ کوئی شخص اپنے آپ پر کسی دوسرے کو ترجیح دے بلکہ حقیقی رہنما تو وہ شخص ہے جو خود سیدھے راستے پر ہو اس کا دل نور اخلاص سے منور ہو پھر یہ نور دوسروں تک پہنچے اور اس کو ثواب حاصل ہو۔ پس جو شخص اس کی اقتدا کریگا اُسے تو ثواب حاصل ہوگا لیکن خود اس سے اس بات کی باز پرس ہوگی کہ اس نے دھوکہ کیا اور جو کچھ اس میں ظاہر نہ تھا اس سے اپنے آپ کو موصوف ظاہر کیا۔

تیسرا درجہ پہلے دونوں درجوں سے بھی زیادہ گہرا ہے کہ اس سلسلے میں بندہ اپنی آزمائش کرے اور شیطان کے مکرو فریب سے آگاہ ہو اورجان لے کہ خلوت کی صورت میں عبادت کی کیفیت کا کچھ اور ہونا اور کسی کے سامنے دوسری کیفیت کا ہونا محض ریا ہے او ر اس بات کو بھی جان لے کہ اخلاص اس چیز کا نام ہے کہ خلوت میں نماز لوگوں کے سامنے والی نماز کی طرح ہوا سے اپنے آپ سے بھی حیا آئے اور اپنے رب سے بھی حیا کرے کہ خلوت میں جو خشوع پایا جاتا ہے لوگوں کے سامنے اس سے زائد خشوع ہوچنانچہ اب آدمی اگر خلوت میں اپنے نفس کی طرف متوجہ ہو اور اپنی نماز کو اس طریقے پر اچھا بنائے جس طریقے کو لوگوں کے سامنے پسند کرتا تھا۔ اور لوگوں کے سامنے بھی اسی طریقے پر نماز پڑھے تو یہ باریک قسم کی ریا کاری ہے کیوں کہ اس نے علیحدگی میں نماز کو اس لیے اچھا کیا کہ لوگوں کے سامنے بھی اسی طرح اچھا بنائے تو اب خلوت اور مجمع دونوں میں اس کی توجہ مخلوق کی طرف ہوگی حالانکہ اخلاص تو یہ ہے کہ اس کی نماز کی طرف جانوروں اور انسانوں کا دیکھا برابر ہو گو یا اس کا دل برداشت نہیں کرتا کہ لوگوں کے سامنے نماز بری طرح ادا کرے پھر اپنے دل میں شرماتا ہے کہ کہیں ریاکاروں میں سے نہ ہوجائے اور وہ خیال کرتاہے کہ جب خلوت اور مجلس کی نماز ایک جیسی ہوجائے گی تو ریاکاری ختم ہو جائے گی۔

لیکن یہ بات صحیح نہیں بلکہ ریاکاری کا زوال اس وقت ہوگا کہ خلوت اور اجتماع دونوں صورتوں میں مخلوق پیش نظر نہ ہو جس طرح جمادات کی طرف توجہ نہیں ہوتی۔ تو یہ شیطان کے خفیہ فریب ہیں۔

چوتھا درجہ سب سے زیادہ باریک اور خفی ہے کہ جب لوگ اسے نماز میں دیکھیں اور شیطان یہ بات کہنے سے عاجز آجائے کہ ان کیلئے خشوع اختیار کرو کیوں کہ شیطان اس بات کو جانتا ہے کہ وہ شخص اس فریب کو سمجھ چکا ہے اس لیے شیطان کہتا ہے اللہ تعالیٰ کی عظمت و جلال میں غور کرو اور دیکھو تم کس کے سامنے کھڑے ہو اور اس بات سے حیا کرو کہ اللہ تعالیٰ تمہارے دل کو دیکھے اور تمہارا دل اس سے غافل ہو اس خیال کے آنے سے اس کا دل حاضر ہوتا ہے اور اعضاء میں خشوع پیدا ہوتا ہے اور وہ اسے عین اخلاص سمجھتا ہے(یعنی لوگوں کے سامنے شیطان اُسے خشوع دلا کر اس کی توجہ لوگوں کی طرف کروا دیتا