Brailvi Books

اِخْلِصِ الْعَمَلَ یُجْزِکَ مِنْہُ الْقَلِیْلُ

ترجمہ : ''یعنی اپنے عمل کو خالص کرو تھوڑا بھی کافی ہوگا'' (مستدرک حاکم، ج ۴، ص ۳۰۶، کتاب الرقاق)

حکمت کے چشمے :

نبیوں کے سالار ، سرکار ابد قرار، شافع روز شمار(علیہ و علیہم الصلوٰۃ والسلام) کا فرمان رحمت بار ہے:

مَا مِنْ عَبْدٍ یَخْلِصُ لِلّٰہِ الْعَمَلَ اَرْبَعِیْنَ یَوْمًا اِلاَّ ظَھَرَتْ یَنَابِیْعُ الْحِکْمَۃِ مِنْ قَلْبِہٖ عَلَی لِسَانِہٖ

ترجمہ : ''یعنی جوبندہ چالیس دن خالص اللہ تعالیٰ کیلئے عمل کرے اللہ تعالیٰ حکمت کے چشمے اس کے دل سے اس کی زبان پرجاری فرما دیتا ہے'' (الترغیب و الترھیب، ج اول، س ۵۶، مقدمۃ الکتاب)

تین بد نصیب :

سَیِّدُنَا امام ترمذی(رضی اﷲ تعالیٰ عنہ) اپنی کتاب ترمذی شریف میں ایک روایت سَیِّدُنَاابو ھریرہ (رضی اﷲ تعالیٰ عنہُ) سے نقل کرتے ہیں کہ نبی کریم  صلی اللہ تعالی علیہ وسلم نے ارشاد فرمایا:'' قِیامت کے دن سب سے پہلے تین قسم کے لوگوں سے سوال ہوگا۔ ایک وہ جسے اللہ (عزوجل)نے دنیا میں علم عطا فرمایا ہوگااللہ تبارک و تعالیٰ اس سے دریافت فرمائے گا کہ تو نے اپنے علم کے سلسلے میں کیا کیا ۔ وہ