Brailvi Books

میٹھے میٹھے اسلامی بھائیو ! یہ حق مال سے متعلق ہے جیسا کہ نبی اکرم شاہ ِ بنی آدم صلی اللہ تعالی علیہ وسلم نے فرمایا ''دو آدمیوں کی مثال دوہاتھوں جیسی ہے کہ ان میں سے ایک ہاتھ ، دوسرے کو دھوتا ہے'' ۔ (الفردوس بماثور الخطاب جلد ۴حدیث ۶۴۶۱)

تو آپ ا نے انہیں دو ہاتھوں کے ساتھ تشبیہ دی ہے ایک ہاتھ اور ایک پاؤں کے ساتھ نہیں کیونکہ یہ دونوں ایک غرض پر ایک دوسرے کا تعاون کرتے ہیں۔ تو جس طرح دو بھائیوں کا بھائی چارہ اس وقت مکمل ہوتا ہے جب وہ ایک مقصد میں ایک دوسرے کے رفیق بنیں تو یہ دونوں ایک اعتبار سے ایک ذات کی طرح ہیں۔ اور اس کا تقاضا یہ ہے کہ وہ خوشی اور تکلیف دونوں حالتوں میں ایک دوسرے کے حصے دارہوں اور حال ومستقبل میں ایک دوسرے کے ساتھ شریک ہوں اور دونوں میں سے کسی ایک کو خصوصیت اور ترجیح نہ رہے۔ بہرحال اخوت کے ساتھ مالی طور پر غمخواری کی تین قسمیں ہیں ۔

(۱) سب سے ادنیٰ مرتبہ یہ ہے کہ تم اسے اپنے غلام یا خادم کی طرح سمجھو اور جب اسے کوئی حاجت درپیش ہو تو اپنے زائد مال سے اس کی ضرورت کو پورا کرو اور اگر تمہارے پاس ضرورت سے زیادہ مال ہوتوتم خود اسے دے دو اور اسے سوال کرنے پر مجبور نہ کرو کیونکہ اگر تم اسے مانگنے پر مجبور کرو گے تو یہ حقِ اخوّت میں انتہائی درجہ کی کوتا ہی ہے ۔

(۲) دوسرا درجہ یہ ہے کہ تم اسے اپنی طرح سمجھو اور اسے اپنے مال میں شریک کرنے اور اسے اپنی طرح سمجھنے پر راضی رہو حتی کہ تم اسے نصف مال دینا گوارہ کر لو چنانچہ حضرت سیدنا حسن بصری (رضی اﷲ تعالیٰ عنہُ) فرماتے ہیں کہ اسلاف کی آپس میں