Brailvi Books

''مسلمان اور مشرک ایک دوسرے کی آگ نہ دیکھیں (مطلب یہ ہے کہ ایک دوسرے سے دور رہیں)''

(سنن ابی داؤد جلد اول ص ۳۵۶ کتاب الجہاد)

اور ارشاد خداوندی ہے۔

یٰۤاَیُّہَا الَّذِیۡنَ اٰمَنُوۡا لَا تَتَّخِذُوۡا عَدُوِّیۡ وَ عَدُوَّکُمْ اَوْلِیَآءَ

ترجمہ کنز الایمان '' اے ایمان والو میرے اور اپنے دشمنوں کو دوست نہ بناؤ''(پارہ ۲۸ ' سوره ممتحنۃ' آیت ۱)

بدعتی مبلغ :

وہ بدعتی جو بدعت کی طرف بلاتا ہے اگر اس بدعت کی وجہ سے کفر لازم آتا ہے تو اس شخص کا معاملہ ذمی سے بھی زیادہ سخت ہے کیونکہ یہ شخص نہ تو جزیہ دینے کا اقرار کرتا ہے اور نہ اس کے لئے عقد ذمہ کا لحاظ ہوتا ہے اور اس بدعت کی وجہ سے کفر لازم نہیں آتا تو اﷲ تعالیٰ کے ہاں اس شخص کا معاملہ یقینا کافر کے معاملہ سے ہلکا ہے لیکن کافر کے مقابلے میں اس کا رد زیادہ کیا جائے کیونکہ کافر کا شر آگے نہیں بڑھتا اس لئے کہ مسلمانوں کو علم ہے کہ وہ کافر ہے لہٰذا وہ اس کی بات کی طرف متوجہ نہیں ہوتے وہ نہ تو اسلام کا دعویٰ کرتا ہے اور نہ ہی سچے عقیدے کا۔