Brailvi Books

میٹھے میٹھے اسلامی بھائیو! جان لو کہ جو شخص اﷲ تعالیٰ کے لئے محبت کرتا ہے اس کے لئے ضروری ہے کہ وہ اﷲ تعالیٰ کے لئے دشمنی بھی رکھے کیونکہ جب تم کسی شخص سے اس لئے محبت کرتے ہو کہ وہ اﷲ تعالیٰ کا اطاعت گزار بندہ ہے اور اﷲ تعالیٰ کا محبوب ہے تو اگر کوئی اﷲ تعالیٰ کی نافرمانی کرے تو ضروری ہے کہ تم اس سے نفرت کرو اس لئے کہ وہ اﷲ تعالیٰ کا نافرمان ہے اور اس پر اﷲ تعالیٰ کا غضب ہے اور جو آدمی کسی سبب سے محبت کرتا ہے تو ضروری ہے کہ وہ اس سبب کی ضِد کے باعث نفرت کرے یہ دونوں ایک دوسرے کو لازم ہیں جدا نہیں ہوتے۔ اور معاشرے میں محبت ونفرت کے سلسلے میں یہ معروف اور رائج ہے لیکن محبت اور بغض دونوں دل کی خفیہ کیفیتیں ہیں اور غلبہ کے وقت ظاہر ہوتی ہیں اور جب محبت کرنے والوں کی طرف سے قرب وموافقت کے اعمال اور نفرت کرنے والوں کی طرف سے دوری اور مخالفت کے اعمال ظاہر ہوتے ہیں تو یہ سامنے آتی ہیں جب یہ فعل کی صورت میں سامنے آئیں تو (محبت کو) مُوالاۃ اور (دشمنی کو) مُعادات کہا جاتا ہے اسی لئے اﷲ تعالیٰ نے فرمایا حدیث میں ہے۔