Brailvi Books
 |
فیضانِ اِحیاءُ العُلوم |
251 - 325
جاسکے تو اگر کوئی کسی سے اس وجہ سے محبت کرے کہ ُاس میں دونوں باتوں کی صلاحیت ہے تو یہ محبت بھی اﷲ تعالیٰ کے لئے ہوگی جیسا کہ کوئی شاگرد اپنے استاذ سے محبت کرتا ہے جو اسے دین بھی سکھاتا ہے اور مالی امداد کے ذریعے اس کے دنیاوی کاموں میں بھی کفایت کرتا ہے توچونکہ اس (شاگرد) کی طبیعت میں دینوی راحت اور سعادت آخرت دونوں کی طلب ہے اور یہ (استاذ) ان دونوں باتوں تک پہنچانے کا وسیلہ ہے اس لئے وہ استاذ سے محبت کرتا تویہ بھی اﷲ تعالیٰ کے لئے محبت کرنا ہے کیونکہ اﷲ تعالیٰ سے محبت کرنے کے لئے یہ شرط نہیں کہ دینوی فائدہ پر بالکل محبت نہ کرے کیونکہ انبیاء کرائم علیہم السلام کو جس دعا کا حکم دیا گیا ہے اس میں دنیا اور آخرت دونوں کو جمع کیا گیا جیسے یہ دعا ہے۔ ''اے ہمارے رب ! ہمیں دنیا سے بھلائی اور آخرت سے بھلائی عطا فرما'' حضرت عیسیٰ علیہ السلام نے اپنی دعا میں یوں کہا۔
اَللَّھُمَّ لاَتُشْمِتْ بِیٖ عَدُوِّیْ وَلاَ تَسْوُء بِیْ صَدِیْقِیْ وَلاَتَجْعَلْ مُصِیْبَتِیْ لِدِیْنِیْ وَ لاَ تَجْعَل الدُّنْیَا اَکْبَرَ ھَمِّیْ۔
''اے اﷲ ! میرے دشمن کو مجھ پر ہنسنے کا موقع نہ دے اور میری وجہ سے میرے دوست کو برائی نہ پہنچا' میرے دین کے لئے کسی مصیبت کا فیصلہ نہ کرنا اوردنیا کو میرا سب سے اہم مقصدنہ بنانا'' تو دشمن کی ہنسی اور تمسخر کو دور کرنا دنیوی امور میں سے ہے اور آپ نے یہ نہیں فرمایا کہ دنیا کو میرا مقصد بالکل نہ بنانا بلکہ فرمایا کہ اسے میرا سب سے بڑا مقصد نہ بنانا۔ نیزنبی اکرم نورِ مجسم (صلي اللہ تعالي عليہ وسلم) نے یوں دعا مانگی۔
اَلَّلھُمَّ اِّنْیِ اَسْئَالُکَ رَحْمَۃً اَنَالُ بِھَا شَرَفَ کَرَامَتِکَ فِی الدُّیْنَا وَالاْٰخِرَۃِ۔