Brailvi Books

یعنی کسی سے اس لئے محبت کرے کہ اس کے ذریعے کسی دوسری ذات کو حاصل کرے پس یہ محبوب تک پہنچنے کا وسیلہ ہوگا جو اس کے علاوہ ہے' اور محبوب کا وسیلہ بھی محبوب ہوتا ہے اور جس سے کسی دوسرے کے لئے محبت کی جائے تو حقیقی محبوب وہ دوسرا ہی ہوتا ہے البتہ محبوب تک پہنچنے کا راستہ بھی محبوب ہوتا ہے اسی لئے لوگ سونے اور چاندی سے محبت کرتے ہیں حالانکہ ان دونوں سے کوئی غرض نہیں ہوتی کیونکہ یہ نہ تو کھائے جاتے ہیں اور نہ ہی پیئے لیکن یہ دونوں کئی محبوب چیزوں کا وسیلہ بنتے ہیں۔اسی طرح بعض لوگوں سے ایسی محبت کی جاتی ہے جیسی سونے اور چاندی سے ہوتی ہے کیونکہ وہ مقصود کے لئے وسیلہ ہوتے ہیں اور دراصل ان لوگوں کے ذریعے مقام ومرتبہ یامال یا علم حاصل ہوتا ہے جیسے بادشاہ سے اس لئے محبت کی جاتی ہے کہ اس کے دل میں جگہ بنائیں۔

تو میٹھے میٹھے اسلامی بھائیو !جس تک پہنچنے کے لئے کسی شخص سے محبت کی جاتی ہے اگر اس کا فائدہ دنیا تک محدود ہے تو اس سے محبت' اﷲ تعالیٰ کے لئے نہیں ہوگی اور اگر اس کا فائدہ تودینی ہو سکتا ہو لیکن خودمحبت کرنے والااسے صرف دنیا حاصل کرنے کا وسیلہ بنا لے جیسے شاگرد کا اپنے استاذ سے محبت کرنا تو یہ بھی اﷲ تعالیٰ کے لئے محبت سے خارج ہے کیونکہ یہ شخص اس سے صرف اس لئے محبت کرتا ہے تاکہ اپنی ذات کے لئے علم حاصل کرسکے تو اس کا محبوب علم ہے پس اگر علم قرب خداوندی مقصودنہ ہو بلکہ اس کے ذریعے مقام ومرتبہ' مال اور مخلوق کے نزدیک قبولیت حاصل کرنا مقصود ہوتو اس کا محبوب مرتبہ