Brailvi Books

میرا مقصد تو علم کو پھیلانا تھا اب اگر وہ اس علم کو فساد پھیلانے میں استعمال کرتا ہے تو یہ قصور اسکا ہے میرا نہیں میں نے صرف یہ ارادہ کیا تھا وہ علم حاصل کرکے بھلائی کی راہ چلے'' لیکن ایسے عالم کا یہ قول دراصل جاہ و منصب کی محبت، لوگوں کو اپنا تابع بنانے کی خواہش، اور علم کی زیادتی پر فخر کرنے کی چغلی کھا رہا ہے ۔

وہ ان باتوں کو اپنے دل میں اچھا سمجھتا ہے اور اس حبّ جاہ کی وجہ سے شیطان اسے دھوکے میں رکھتا ہے لیکن معلوم نہیں کہ اس اعتراض کا کیا جواب بن پڑے گا کہ جب کوئی کسی ڈاکو کو تلوار دے اور گھوڑا اور دیگر سامان ڈاکہ تیار کر کے ڈاکو کے لئے مدد فراہم کرے اور کہے کہ میں نے تو مال خرچ کیا ہے اور اللہ تعالیٰ کی پسندیدہ صفت سخاوت کو اختیارکیا ہے اور میری غرض یہ تھی کہ وہ اس سامان سے راہ خدا د میں جہاد کریگا اور بالیقین ایک غازی کی مدد کرنا نہایت عمدہ فعل ہے اب اگر اس شخص نے یہ سامان ڈاکے میں استعمال کر لیا تو میں کیا کر سکتا ہوں وہ خود اسکا ذمہ دار ہے حالانکہ اس بات پر فقہاء کا اتفاق ہے کہ یہ کام (یعنی ڈاکو کی اس طرح مدد کرنا )حرام ہے باوجود اس کے کہ سخاوت اللہ تعالیٰ کی سب سے زیادہ پسندیدہ صفت ہے یہاں تک کہ آقائے دو جہاں رحمت عالمیان صلی اﷲ تعالیٰ علیہ والہ وسلم  کا فرمان ذی شان ہے :