Brailvi Books
 |
فیضانِ اِحیاءُ العُلوم |
236 - 325
بَیۡنَ قُلُوۡبِکُمْ فَاَصْبَحْتُمۡ بِنِعْمَتِہٖۤ اِخْوَانًا ۚ وَکُنۡتُمْ عَلٰی شَفَا حُفْرَۃٍ مِّنَ النَّارِ فَاَنۡقَذَکُمۡ مِّنْہَا ؕ کَذٰلِکَ یُبَیِّنُ اللہُ لَکُمْ اٰیٰتِہٖ لَعَلَّکُمْ تَہۡتَدُوۡنَ ﴿۱۰۳﴾
ترجمہ کنز الایمان : '' اور اﷲ (عزوجل) کی رسی مضبوط تھام لو سب مل کر اور آپس میں پھٹ نہ جانا اور اﷲ (عزوجل) کا احسان اپنے اوپر یاد کرو جب تم میں بیر تھا اور اس نے تمہارے دلوں میں ملاپ کردیا تو اس کے فضل سے تم آپس میں بھائی ہوگئے اور تم ایک غار دوزخ کے کنارے پر تھے تو اس نے تمہیں اس سے بچا لیا اﷲ (عزوجل) تم سے یونہی اپنی آیتیں بیان فرماتا ہے کہ کہیں تم ہدایت پاؤ'' (پارہ نمبر ۴' سوره آل عمران آیت ۱۰۳) نیزنبی اکرم نورِ مجسم صلی اللہ تعالی علیہ وسلم نے آپس کی الفت اور محبت بڑھانے کے لئے تاکیداًارشاد فرمایا۔
اِنَّ اَقْرَبَکُمْ مِّنّیِ مَجْلِساً اَحَا سِنُکُمْ اَخْلاَقاً اَلْمُؤطُّوْنَ اَکْنَافاً الَّذِیْنَ یَالِفُوْنَ وَیُوْلَفُوْنَ۔
''تم میں سے وہ لوگ مجلس میں میرے زیادہ قریب ہیں جن کے اخلاق سب سے اچھے ہوں' جو اپنے پہلوؤں کو جھکا دیتے ہیں' وہ دوسروں سے محبت کرتے اور دوسرے ان سے محبت کرتے ہیں''(شعب الایمان جل ۶ ص ۲۳۴ حدیث ۸۹۸۸) نبی اکرم صلی اللہ تعالی علیہ وسلم نے مزید ارشاد فرمایا۔