Brailvi Books
 |
فیضانِ اِحیاءُ العُلوم |
185 - 325
اگر اﷲ تعالیٰ چاہے تو ہرنفس کو ہدایت دے دے یعنی سب کو فرشتوں کی طرح بنا دے لیکن اس نے اپنی مشیّت سے بندوں کو بااختیار بنایا۔ اورسوره واقعہ میں ہے۔
لَیۡسَ لِوَقْعَتِہَا کَاذِبَۃٌ ۘ﴿۲﴾خَافِضَۃٌ رَّافِعَۃٌ ۙ﴿۳﴾
ترجمہ : کنز الایمان ''اس وقت اس کے ہونے میں کسی کو انکار کی گنجائش نہ ہوگی کسی کو پست کرنے والی کسی کو بلندی دینے والی '' (پارہ ۲۷' سوره واقعہ ۲،۳) یعنی جو کچھ ہونے والا ہے اسے لکھ کر قلم خشک ہوگیا اور گذشتہ بھی مکمل ہوگیا حتی کہ واقعہ (قیامت) آگئی یعنی وہ ان لوگوں کو پست کرنے والی ہے جو دنیا میں بلند کئے گئے تھے اور جن لوگوں کو دنیا میں پست کیا گیا تھاان کو اٹھانے والی ہے۔ اور سورۃ تکویر میں قیامت کی ہولناکی اور خاتمہ کے انکشاف کا بیان ہے اور وہ ارشاد خداوندی ہے۔
وَ اِذَا الْجَحِیۡمُ سُعِّرَتْ ﴿۪ۙ۱۲﴾وَ اِذَا الْجَنَّۃُ اُزْلِفَتْ ﴿۪ۙ۱۳﴾عَلِمَتْ نَفْسٌ مَّاۤ اَحْضَرَتْ ﴿ؕ۱۴﴾