Brailvi Books

حاصل کلام یہ ہے کہ درندے سے اس لئے نہیں ڈرتے کہ ہم نے پہلے اس کا کوئی جرم کیا ہے بلکہ اس کی صفت' اس کی پکڑ اس کے رعب وبدبہ اور ہیبت کی وجہ سے ڈرتے ہیں اور اس لئے کہ وہ جو کچھ بھی کرتا ہے اس کی پرواہ نہیں کرتا اگر درندہ کسی کو ہلاک کردے تو اس کے دل میں کوئی نرمی پیدا نہیں ہوتی اور نہ ہی وہ اس قتل پر دکھ محسوس کرتا ہے اور اگر وہ تمہیں چھوڑ دتیا ہے تو تم پر شفقت کرتے ہوئے اور تمہاری روح کو باقی رکھنے کے لئے نہیں چھوڑتا بلکہ تم اس کے نزدیک معمولی شمار ہوتے ہو تم زندہ ہو یا مردہ وہ تمہاری طرف توجہ نہیں کرتا بلکہ اس کے نزدیک تمہارے جیسے ایک ہزار افراد کو ہلاک کرنا اور ایک چیونٹی کو قتل کرنا ایک جیسا ہے کیوں کہ اس سے اس کی درندگی میں کوئی کمی نہیں آتی اور نہ ہی اس کی صفت مثلاً طاقت اور دبدے میں کوئی فرق آتا ہے ۔

لیکن جو شخص اﷲ(عزوجل)کو باطنی مشاہدے کے ساتھ پہچان لیتا ہے تو اسے معلوم ہوجاتاہے کہ اﷲ (عزوجل) اپنے اس قول میں سچا ہے کہ یہ لوگ جنت کے لئے ہیں اور مجھے اس کی پرواہ نہیں اور یہ جہنم میں جائیں گے اور مجھے اس بات کی کوئی پرواہ نہیں ۔

اس کی ہیبت و خوف کے بارے میں اتنا جاننا کافی ہے کہ وہ مستغنی اور بے پرواہ ہے ڈرنے والوں کے دوسرے طبقے کو چاہئے کہ وہ اپنے دل میں اس مکروہ بات کو یاد رکھیں جیسے موت کی سختیاں' منکر نکیر کے سوالات' عذاب قبر یا قیامت کا