Brailvi Books
 |
فیضانِ اِحیاءُ العُلوم |
153 - 325
نے ہلاک کیا اس کا رتبہ اس نبی یا ولی کے درجہ سے زیادہ ہوتا جو طبعی موت سے انتقال کرتے ہیں اور یہ بات محال ہے پس ایسا گمان بھی نہیں کرنا چاہئے بلکہ سب سے افضل سعادت یہ ہے کہ اﷲ (عزوجل) کی عبادت کے لئے طویل عمر حاصل ہو تو جو چیز عمر کو ختم کردے یا عقل کو زائل کردے یا اس صحت کو ختم کردے جس کی وجہ سے زندگی معطل ہو کررہ جاتی ہے تو ایسی شئے کچھ امور کی طرف نسبت سے نقصان ہی نقصان ہے اگرچہ بعض دوسرے امور کی نسبت سے اس کی بعض اقسام افضل قرار پاتی ہیں جیسے شہادت اپنے سے نچلے درجے کی طرف اضافت کی وجہ سے افضل ہے اورجب متقین اور صدیقین کے درجہ کی طرف نسبت کریں تو یہ افضل نہیں ہے۔ نتیجہ یہ ہوا کہ اگر خوف اعمال پر اثرانداز نہ ہو تو اس کا ہونا نہ ہونا برابر ہے تو یہ اس لاٹھی کی طرح ہے جو جانور کو حرکت نہیں دے سکتی اور اگر وہ اثر کرے تو اثر کے ظہور کے اعتبار سے اس کے کئی درجے ہیں ۔
افضل ترین خوف :
چنانچہ جب خوف عفت پیدا کرے تو اس کے لئے ایک درجہ ہے اور جب ورع پیدا کرے تو وہ اعلیٰ درجہ ہے اور سب سے انتہائی درجہ یہ ہے کہ صدیقین کے درجات تک پہنچائے ۔وہ یہ ہے کہ بندہ ظاہر وباطن میں ماسویٰ اﷲ(عزوجل)سے قطع تعلق کرلے حتی کہ غیر کی کوئی گنجائش نہ رہے اور یہ وہ انتہائی درجہ ہے جو قابل تعریف ہے اور اس کے لئے صحت و عقل کا باقی رہنا ضروری ہے اور اگر یہ خوف عقل وصحت کے ازالے کی طرف تجاوز کرجائے تو وہ مرض میں تبدیل ہو جائے گا ۔اگر ہوسکے تو اس کاعلاج کیا جائے ۔ اسی لئے حضرت سیدنا سہل رحمہ اللہ عزوجلنے اپنے ان مریدوں سے جنہوں نے کئی دن تک بھوک کو اختیار کئے رکھا' فرمایا'' اپنی عقلوں کی حفاظت کرو کیونکہ کوئی بھی ناقص العقل اﷲ (عزوجل) کا ولی نہیں ہوتا''۔
فصل نمبر ۳
جس چیز کا خوف ہوتا ہے اس کی نسبت سے اقسامِ خوف