Brailvi Books

ڈوبنے سے بچ سکتے ہو تو کیا تمہارے دل میں یہ خیال آئے گا کہ مصیبت جب سب پر آئے تو خوشی خوشی برداشت ہوجاتی ہے اور جو سب کے ساتھ ہو گا وہ ہمارے ساتھ بھی ہو جائے گا لہٰذا اس میں فکر کی کیا بات ہے تو میٹھے میٹھے اسلامی بھائیو ! کیا آپ وہی کچھ کریں گے جو عام لوگ کر رہے ہیں یا اس صورت میں ان کی موافقت چھوڑ دیں گے ان کے احتیاط نہ کرنے کو بیوقوفی سمجھتے ہو ئے خود کو بچانے کی کوشش کریں گے ۔تو جب آپ ڈوبنے کے خوف سے اہل زمانہ کی موافقت چھوڑ دیتے ہیں حالاں کہ ڈوبنے کا عذاب ایک گھڑی سے زیادہ نہیں ہوتا تو اس عذاب سے کیوں نہیں بچتے جو دائمی ہوگا ۔یہ بات صحیح نہیں کہ جب مصیبت عام ہو تو اچھی معلوم ہوتی ہے جہنمیوں کو یہ مہلت کہاں ملے گی کہ وہ عموم و خصوص کی طرف متوجہ ہوسکیں اور کفار بھی اپنے زمانے کے لوگوں کی اندھی موافقت کی وجہ سے ہلاک ہوئے جب انہوں نے کہا۔