Brailvi Books

ترجمہ کنز الایمان:''اور اے سننے والے! زمین میں اکثر وہ ہیں کہ تو ان کے کہے پر چلے تو تجھے اللہ کی راہ سے بہکا دیں'' ( پارہ۸ ' سوره  انعام' آیت ۱۱۷)

میٹھے میٹھے اسلامی بھائیو ! عبادت میں خوب محنت کرنے والے لوگوں کے واقعات بے شمار ہیں عبرت والوں کے لئے اتنا کافی ہے جو ہم نے لکھااور اگر آپ اس سے بھی زیادہ حالات معلوم کرنا چاہیں تو '' حلیۃ الاولیاء '' (کتاب) کا مطالعہ کریں یہ کتاب بزرگانِ دین  کے حالات پر مشتمل ہے اس کتاب کے مطالعہ سے آپ کو پتہ چلے گا کہ ہم اور ہمارے زمانے کے لوگ اہل دین سے کس قدر دور ہیں۔ پھر اگر آپ کانفس اپنے زمانے کے لوگوں کی پیروی کرنے کامشورہ دے اور یہ دلیل دے کہ آج کل تو اس کے بغیر گزارا نہیں ہوسکتا اسکے علاوہ اگر زمانے والوں کی مخالفت کرو گے تو لوگ تمہیں مجنون کہیں گے اور تمہارا مذاق اڑائیں گے لہٰذا جیسے یہ کرتے ہیں تم بھی کرواگر تمہیں کوئی مصیبت پہنچی بھی تو جو جیسا سب کے ساتھ ہوگا وہ تمہارے ساتھ بھی ہو جائیگاتو اس میں فکر کی کیا بات ہے کیونکہ جب مصیبت میں سب مبتلا ہوں تو اچھی لگتی ہے ۔

میٹھے میٹھے اسلامی بھائیو!ہمیں نفس کی اس دلیل سے دھوکہ نہیں کھانا چاہئے اور نہ ہی اس کے دام تزویر میں پھنسنا چاہئے بلکہ اس سے کہنا چاہئے کہ بتاؤ اگر کوئی بڑا سیلاب آجائے جو تمام شہر والوں کو غرق کردے اور وہ حقیقت حال سے بے خبری کی وجہ سے وہاں ہی ٹھہرے رہیں اور بچاؤ کی کوئی تدبیر اختیار نہ کریں جب کہ تم ان سے جدا ہو کر کشتی کے ذریعے