Brailvi Books

ہو کہ لوگ اس کی تقصیروکوتاہی پر مطلع ہوں گے ۔  (1) 
سوال	اگر بھول کر وِتْر  کی پہلی یا دوسری رکعت میں دعائے قُنوت پڑھ لی تو کیا حکم ہے ؟ 
جواب	بھول کر پہلی یا دوسری میں دعائے قُنوت پڑھ لی تو تیسری میں پھر پڑھے یہی راجِح ہے ۔  (2) 
سوال	عشاء سے پہلے وِتْر  پڑھ لیے تو کس صورت میں ہوجائیں گے ؟ 
جواب	عشاء سے پہلے وِتْر  پڑھے تو نہیں ہوں گے ، ہاں اگر بھول کر وِتْر  پہلے پڑھ ليے تو ہوگئے ۔  (3) 
سنتیں اور نوافل 
سوال	سنتِ مؤکّدہ سے کیا مراد ہے اور اس  کا حکم کیا ہے ؟ 
جواب	جن سنتوں پر شریعت میں تاکید آئی ہے انہیں سنتِ مؤکّدہ کہتے ہیں ، جو بغیر عذر ایک بار بھی ترک کرے وہ ملامت کا مستحق ہے اورترک کی عادت بنائے تو فاسق ہے ، اُس کی گواہی قبول نہیں اور وہ جہنم کاحق دار ہے اوربعض علما کے نزدیک گمراہ اور گنہگار ہے ، اگرچہ اس کا  گناہ واجب کے ترک سے کم ہے ۔  تلویح میں ہے کہ اس کا ترک حرام کے قریب ہے اورترک کرنے والا اِس کامستحق ہے کہ مَعَاذَاللہ !  شفاعت سے محروم ہو جائے کیونکہ حضور اَقدس صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا :  ”جو میری سنّت کو ترک کرے گا اسے 



________________________________
1 -     ردالمحتار ، کتاب الصلاة ، باب الوتر والنوافل ، ۲ /  ۵۳۳ ۔ 
2 -     غنیۃ المتملی ، صلاة الوتر ، ص۴۲۴ ۔ 
3 -     درمختار ، کتاب الصلاة ، ۲ /  ۲۳ ۔