Brailvi Books
 |
دلچسپ معلومات ( حصہ 2) |
71 - 360
نفل نماز میں مطلق نماز کی نیت کافی ہے ۔ (1) سوال نمازی کے پیروں تلے کتنی نَجاست ہوتو نماز نہیں ہوگی ؟ جواب نمازی کے ایک پاؤں کے نیچے درہم کی مقدار سے زیادہ نَجاست ہوتو نماز نہ ہوگی ۔ (2) یونہی اگر دونوں پاؤں کے نیچے تھوڑی تھوڑی نَجاست ہے کہ جمع کرنے سے ایک دِرَم ہو جائے گی ( تو نماز مکروہِ تَحریمی واجِبُ الْاِعَادہ اور درہم سے زائد ہو تو نماز نہیں ہوگی) ۔ (3) سوال نَجاست پر رکھے شیشے کے اوپر کھڑے ہوکر نماز پڑھی تو کیا حکم ہے ؟ جواب نماز ہوجائے گی اگر چہ نمایاں ہو ۔ (4) سوال نمازِ مغرب کا وقت کب سے کب تک ہے ؟ جواب مغرب کی نماز کا وقت غُروبِ آفتاب سے غُروبِ شَفَق (5) تک ہے ۔ (6) سوال وہ کون سی نمازیں ہیں جن کے اوقات میں اوّل سے آخر تک کوئی کراہت نہیں ؟ جواب فجر اور ظہر کے اوقات میں اوّل سے آخر تک کوئی کَرَاہَت نہیں ہے بخلاف باقی ( تین نمازوں کے ) اوقات کے کہ وہ آخر میں مکروہ ہوجاتے ہیں ۔ (7) ________________________________ 1 - منیة المصلی ، الشرط السادس النیة ، ص۲۲۵ ، بہار شریعت ، حصہ۳ ، ۱ / ۴۹۳ ۔ 2 - درمختار مع ردالمحتار ، کتاب الصلاة ، باب شروط الصلاة ، ۲ / ۹۲ ۔ 3 - بہار شریعت ، حصہ۳ ، ۱ / ۴۷۷ ۔ 4 - ردالمحتار ، کتاب الصلاة ، باب شروط الصلاة ، ۲ / ۹۲ ۔ 5 - شفق اس سپیدی کا نام ہے جو جانبِ مغرب میں سُرخی ڈوبنے کے بعد جنوباً شمالاً صبحِ صادِق کی طرح پھیلی ہوئی رہتی ہے ۔ ( الھدایة ، کتاب الصلاة ، باب المواقیت ، ۱ / ۴۰) 6 - قدوری ، کتاب الصلاة ، ص۳۵ ۔ 7 - فتاوی رضویہ ، ۵ / ۳۲۰ ۔