Brailvi Books
 |
دلچسپ معلومات ( حصہ 2) |
66 - 360
سوال اپنی نمازوں کی حفاظت کرنے والے کے لئے کیا بِشارت ہے ؟ جواب حضورنبی کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا : جو شخص نماز کی حفاظت کرے اس کے لئے نمازقیامت کے دن نور ، دلیل اور نَجات ہو گی ۔ (1) سوال امامت کروانے کے لیے کتنی اور کون کون سی شرطیں ہیں ؟ جواب مردِ غیرِ معذور ( جو معذور شرعی نہ ہو) کے امام کے لیے چھ شرطیں ہیں : ( 1) مسلمان ہونا ( 2) بالغ ہونا ( 3) عاقل ہونا ( 4) مرد ہونا ( 5) قِراءَت صحیح ہونا ( 6) معذور نہ ہونا ۔ (2) سوال امام کے ’’وَلَا الضَّآلِّیْن‘‘کہنے کے بعد اٰمین کہنے کی کیا فضیلت ہے ؟ جواب حضور نبیٔ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا : امام جب ”وَلَاالضَّآلِّیْن‘‘ کہے تو تم اٰمین کہو ، جس کی اٰمین فرِشتوں کی اٰمین کے مُوافق ہوتی ہے اُس کے پچھلے گناہ مُعاف ہوجاتے ہیں ۔ (3) سوال قیام ، رُکوع ، سجدہ ، قعدہ اور سلام پھیرتے وقت نظرکہاں ہونی چاہئے ؟ جواب قیام کی حالت میں سجدہ کی جگہ ، رُکوع میں دونوں قدموں کی پشت پر ، سجدہ میں ناک کی طرف ، قعدہ میں گود کی طرف ، پہلے سلام میں سیدھے کندھے کی طرف اور دوسرے سلام میں اُلٹے کندھے کی طرف نظر کرنا مستحب ہے ۔ (4) سوال نماز میں امام سے پہلے سر اُٹھانااور جھکانا کیسا ہے ؟ ________________________________ 1 - مسند امام احمد ، مسند عبداللہ بن عمرو ، ۲ / ۵۷۴ ، حدیث : ۶۵۸۷ ۔ 2 - نورالایضاح ، کتاب الصلاة ، باب الامامة ، ص۱۵۵ ۔ 3 - بخاری ، کتاب الاذان ، باب جھر الماموم بالتامین ، ۱ / ۲۷۵ ، حدیث : ۷۸۲ ۔ 4 - تنویر الابصار مع در مختار ، ۲ / ۲۱۴ ۔