Brailvi Books

سوال	وہ كونسا حوض ہے جو مکمل بھرا ہوتو ناپاک  ہے لیکن کم بھرا ہو تو پاک ہے ؟ 
جواب	 کوئی حوض ایساہے کہ اُوپر سے تنگ اور نیچے کُشادہ ہے یعنی اوپر دَہ در دَہ (  یعنی سوہاتھ / پچیس گز / دوسوپچیس فُٹ) نہیں اور نیچے دَہ دردَہ یازِیادہ ہے اگر ایسا حَوض  اوپر تک بھرا ہوا ہو اور نَجاست پڑے توناپاک ہے ، پھراگر اُس کا پانی گَھٹ گیا اور وہ دَہ در دَہ ہو گیا تو پاک ہوگیا ۔  (1) 
سوال	اگر جسم یا کپڑے سے کتا چھوجائے تو کیا حکم ہے ؟ 
جواب	کتابدن یا کپڑے سے چُھو جائے تو اگرچِہ اس کا جِسْم تَر ہو بدن اور کپڑا پاک ہے ، ہاں اگر اس کے بدن پر نَجاست لگی ہو تو اور بات ہے یا اس کا لُعاب لگے تو ناپاک کر دے گا ۔  (2) 
سوال	انسانی جسم سے نکلنے والی رَطُوبَت کب پاک ہے ؟ 
جواب	جورَطوبَت انسانی بدن سے نکلے اور وُضو نہ توڑے وہ نجس نہیں ۔  مَثَلاًخون یا پیپ بہہ کر نہ نکلے یا تھوڑی قے کہ منہ بھر نہ ہو پاک ہے ۔  (3) خارِش یا پھُڑیوں میں اگر بہنے والی رَطُوبت نہ ہو صِرف چِپَک ہو اور کپڑا اس سے بار بار چھو کر چاہے کتنا ہی سَن جائے پاک ہے ۔  (4) 
سوال	مشکوک پانی سے کیا مراد ہے ؟ 



________________________________
1 -     فتاوی ھندیة ، کتاب الطھارة ، الباب الثالث فی المیاہ ، ۱ /  ۱۹ ۔ 
2 -     فتاوی ھندیة ، کتاب الطھارة ، الباب السابع فی النجاسة واحکامھا ، ۱ /  ۴۸ ۔ 
3 -     درمختار مع ردالمحتار ، کتاب الطھارة ، مطلب فی حکم کی الحمصة ، ۱ /  ۲۹۴ ۔ 
4 -     ماخوذ از فتاویٰ رضویہ ، ۱ /  ۲۸۰ ۔