Brailvi Books
 |
دلچسپ معلومات ( حصہ 2) |
44 - 360
سوال مزارات ِاولیاءِ کرام پر حاضری دینا اورانہیں پکارنا کیسا ہے ؟ جواب اولیاءِ کرام کے مزارات پر حاضری مسلمان کے لیے سعادت وباعثِ برکت ہے ۔ (1) اور اِن کو دُور و نزدیک سے پکارنا سلفِ صالح کا طریقہ ہے ۔ (2) سوال خود کو شرعی احکامات سے آزادجاننے والوں کے متعلق حضرت جنید بغدادی عَلَیْہِ رَحْمَۃُ اللہِ الْھَادِی نے کیافرمایا ہے ؟ جواب حضرت سَیِّدُ الطائفہ جنید بغدادی رَضِیَ اللہُ تَعَالٰی عَنْہ سے عرض کی گئی : کچھ لوگ زُعْم ( گمان) کرتے ہیں کہ اَحکامِ شريعت تووُ صول ( خداتعالیٰ تک پہنچنے ) کا وسیلہ تھے اور ہم وَاصِل ہوگئے ( پہنچ گئے ) اب ہمیں شریعت کی کیا حاجت؟ ( آپ نے ) فرمایا : سچ کہتے ہیں وَاصِل ضرور ہوئے ، کہاں تک ؟ جہنّم تک ، چوراور زانی ایسے عقیدے والوں سے بہتر ہیں ، میں اگر ہزار برس جیوں تو فرائض وواجبات تو بڑی چیز ہیں جو نوافل ومستحبات مقرر کرلئے ہیں بے عُذرِ شرعی ان میں سے کچھ کم نہ کروں ۔ (3) سوال شریعت ، طریقت ، حقیقت اور مَعرفت میں کیا فرق ہے ؟ جواب اعلیٰ حضرت ، امام احمد رضا خان عَلَیْہِ رَحْمَۃُ الرَّحْمٰنفرماتے ہیں : شریعت ، طریقت ، حقیقت ، معرفت میں باہم اصلاً کوئی اختلاف نہیں ، اس کا مُدَّعِی ( یعنی اِن چاروں کو الگ الگ سمجھنے کا دعویدار) اگر بے سمجھے کہے تو نِرا جاہل ہے اور سمجھ کر کہے تو ________________________________ 1 - فتاوی رضویہ ، ۲۹ / ۲۸۲ ۔ 2 - بہار شریعت ، حصہ اول ، ۱ / ۲۷۵ ۔ 3 - الیواقیت والجواھر ، المبحث السادس والعشرون ، ص۲۰۶ ۔